Ezela 2 - Livulu lya Shukulu Kalunga

Mukana wa vaje velukile kutunda ku vunzinda

¹ Vinzinda vavangi vatundile mu lifuti lya Mbambilone velukile ku Yelusalema na ku Yunda, munu na munu welukile kwimbo lyendi. Naanga yavo vakele mu vunzinda mu Mbambilone tunde aje Mwene Nevukaneza wavatwalele kuje kupwa vinzinda.

² Vantwama vavo vapwile, Zelumbambele, na Yoshwa, na Nehemiya, na Selaya, na Lelaya, na Molendekai, na Mbileshane, na Misepale, na Mbingevai, na Lehume, na Mbana. Ou ukewo mukana wa vikota vya Isalele, na vungi vwa vaje vatundile ku cikota na cikota ca vanu vaje velukile kutunda ku vunzinda.

³ Ku cikota ca Paloshe vapwile 2,172.

⁴ Ku cikota ca Shefatiya vapwile 372.

⁵ Ku cikota ca Ala vapwile 775.

⁶ Ku cikota ca Pahate Mowavi vatekulwila va Njeshuwa na Yowave vapwile 2,812.

⁷ Ku cikota ca Elame vapwile 1,254.

⁸ Ku cikota ca Zatu vapwile 945.

⁹ Ku cikota ca Zakai vapwile 760.

¹⁰ Ku cikota ca Mbani vapwile 642.

¹¹ Ku cikota ca Mbevai vapwile 623.

¹² Ku cikota ca Azengande vapwile 1,222.

¹³ Ku cikota ca Andonikame vapwile 666.

¹⁴ Ku cikota ca Mbingevai vapwile 2,056.

¹⁵ Ku cikota ca Andine vapwile 454.

¹⁶ Ku cikota ca Atele (uje ivatumbwile lalo Hezekiya) vapwile 98.

¹⁷ Ku cikota ca Mbezai vapwile 323.

¹⁸ Ku cikota ca Njola vapwile 112.

¹⁹ Ku cikota ca Hashume vapwile 223.

²⁰ Ku cikota ca Ngivale vapwile 95.

²¹ Co vanu vaje vakukulwila vavo vakele mu vinganda vije velukilemo lalo. Vaje vakele mu Mbetelehema vapwile 123.

²² Vaje vakele mu Netofa vapwile 56.

²³ Vaje vakele mu Anatote vapwile 128.

²⁴ Vaje vakele mu Azemavete vapwile 42.

²⁵ Vaje vakele mu Kilyate Njelime, na mu Kefila na mu Mbelote vapwile 743.

²⁶ Vaje vakele mu Lama na Ngemba vapwile 621.

²⁷ Vaje vakele mu Mikemashe vapwile 122.

²⁸ Vaje vakele mu Mbetele na mu Ai vapwile 223.

²⁹ Vaje vakele mu Nembo vapwile 52.

³⁰ Vaje vakele mu Mangevishe vapwile 156.

³¹ Vaje vakele mu Elame ikwavo vapwile 1,254.

³² Vaje vakele mu Halime vapwile 320.

³³ Vaje vakele mu Londe, na mu Handinde na mu Ono vapwile 725.

³⁴ Vaje vakele mu Yeliko vapwile 345.

³⁵ Vaje vakele mu Sena vapwile 3,630.

³⁶ Ou ukewo mukana wa vikota vya vaka-kukombelela vaje velukile kutunda ku vunzinda. Vaka-kukombelela va ku cikota ca Yendaya, vatekulwila va Njeshuwa vapwile 973.

³⁷ Va ku cikota ca Imeli vapwile 1,052.

³⁸ Va ku cikota ca Pashehule vapwile 1,247.

³⁹ Va ku cikota ca Halime vapwile 1,017.

⁴⁰ Ou ukewo mukana wa vaLevi vaje velukile kutunda ku vunzinda. Va ka cikota ca Njeshuwa na Kandimyele vatekulwila va Hondaviya vapwile 74.

⁴¹ Vaka-kwimba mu Njuvo ya Shukulu Kalunga vatekulwila va Asafe vapwile 128.

⁴² Vaka-kunyunga ku Njuvo ya Shukulu Kalunga vatekulwila va Shalume, na Atele, na Talemone, na Akumbe, na Hatita na Shombai vapwile 139.

⁴³ Vikota vya vaka-kupanga mu Njuvo ya Shukulu Kalunga vaje velukile kutunda ku vunzinda vapwile, Ziha, na Hasufa, na Tambaote, na

⁴⁴ Kelose, na Siyaha, na Pandone,

⁴⁵ Lembana, na Hangamba, na Akumbe,

⁴⁶ Hangave, na Shalemai, na Hanane,

⁴⁷ Ngindele, na Ngahale, na Leaya,

⁴⁸ Lezine, na Nekonda, na Ngazame,

⁴⁹ Uza, na Paseya, na Mbesai,

⁵⁰ Asena, na Meunime, na Nefushime,

⁵¹ Mbakembuke, na Hakufa, na Halehule,

⁵² Mbazulute, na Mehinda, na Halesha,

⁵³ Mbalekose, na Sisela, na Tema,

⁵⁴ Neziya, na Hatifa.

⁵⁵ Vikota vya vangamba va Solomoni vaje velukile kutunda ku vunzinda vapwile, Sotai, na Hasofelete, na Pelunda,

⁵⁶ Njaala, na Ndalekone, na Ngindele,

⁵⁷ Shefatiya, na Hatile, na Pokelete Hazevaime, na Ami.

⁵⁸ Vungi vwa vatekulwila va vaka-kupanga mu Njuvo ya Shukulu Kalunga na vangamba va Solomoni vaje velukile kutunda vunzinda vapwile 392.

⁵⁹ Ava vakevo vanu vaje vatundile ku vikota vya Telemele, na Telehalesha, na Kelumbe, na Andane, na Imeli, oloni vonwele kulumbununa vikota vya vakukulwila vavo, na visemwa vyavo, oloni vawanene ngeci na vakevo lalo vapwile vatekulwila va vaIsalele.

⁶⁰ Vikota vya Ndelaya, na Toviya, na Nekonda vapwile 652.

⁶¹ Co ku vana va vaka-kukombelela kwakele vana va Hombaya, na Hakoze, na Mbazilai. (Kukulwila wa cikota ca vaka-kukombelela ca Mbazilai wambatele munakazi wa ku cikota ca Mbazilai wa ku Ngilyande, co wambatele lizina lya cikota ca ishemweno.)

⁶² Ava vanu vatondele mazina avo mu livulu muje muvasonekele mazina a vanu ngwe ku vikota vyavo, oloni kuvawanene mazina a vakukulwila vavo embwe, mukemwo vavavyanene kupwa vaka-kukombelela.

⁶³ Co nguvulu wa vaYunda wavalekele ngeci kuvasa kulya vyakulya vije vivanakombelela kuli Njambi, kuvanga kupwe muka-kukombelela uje asa kupangesa Ulime na Tumime.

⁶⁴ Vungi vwa vinzinda vaje velukile vapwile 42,360.

⁶⁵ Co vangamba vavo va vanalume na ava va vanakazi vapwile 7,337. Vanalume na vanakazi vaka-kwimba vapwile 200.

⁶⁶ Tuvalu vapwile 736.

⁶⁷ Vimula vapwile 245, na Tumelo vapwile 435, na vimulu vapwile 6,720.

⁶⁸ Omo vinzinda vetele ku Njuvo ya Shukulu Kalunga mu Yelusalema, vantwama vamo va vikota vaanene vin̄ombelo vya cizango vyakukwasa kutungulula Njuvo ya Shukulu Kalunga a mutambela wayo walaja.

⁶⁹ Vaanene vyavingi manene ku vipangi vije ngwe muvaselele, co vyoshe vyapwile makilo 500 a ngolinde na makilo 2,800 a siliva na vuzalo vwa vulaja vwa vaka-kukombelela vwapwile 100.

⁷⁰ Co vaka-kukombelela, na vaLevi, na vanu vamo vatungile muyehi na Yelusalema, na vaka-kwimba, na vaka-kunyunga ku Njuvo ya Shukulu Kalunga, na vaka-kupanga ku Njuvo ya Shukulu Kalunga vatungile mu vinganda vya kuyehi, co vungi vwa vaIsalele vatungile mu vinganda muje muvakele vakukulwila vavo.