Ezela 10 - Livulu lya Shukulu Kalunga

Vutumbe vwakumanesa malo akulipandakana

¹ Omo Ezela wakele nakulombela, nakulitavela, nakulila, nakulyumbila asi kulutwe lwa Njuvo ya Shukulu Kalunga, mbunga yakama ya vaIsalele, vanalume, na vanakazi, na vanike, valikungulwilile kuli ikeye, nakulila manene.

² Asinoni Shekaniya muna Njehiyele, wa ku cikota ca Elame, wendekele kuli Ezela ngwendi, “Tunavulumuna kuli Njambi yetu akwambata vanakazi veka, oloni nameme ngoco kucili cinyangavili kuli Isalele a cuma eci.

³ Co ololo tunapande kulinga cikulaeso na Njambi yetu ngeci tukakondola vanakazi ava na vana vavo vavanakiti. Tukalinga vije viwunatunangula yove na veka vaje vasingimika mashiko a Njambi. Co tukalinga ngwe muwashaka Mashiko a Njambi.

⁴ Eyi inapu moko yove ya kupanga. Tuli amo nove, kolesa ngeci ucilinge.”

⁵ Ngecivene, Ezela wakatukile, co walingisile vantwama va vaka-kukombelela, na vantwama va vaLevi, na vantwama va vanu vakwavo kulikumiiya ngeci vakalinga vije vyayongwele Shekaniya.

⁶ Asinoni Ezela watundile kulutwe lwa Njuvo ya Shukulu Kalunga, wakovelele mu njuvo ya Njehohanane muna Elyashimbe, walalele muje vutsiki nakulinyenga omo kukulaela kwa vaje vinzinda. Co kalile nambe kunwa.

⁷ Co vatambekele mutambi mu Yelusalema na mu Yunda mwoshe ngeci voshe vaje velukile kutunda ku vunzinda vakalikungulwile mu Yelusalema,

⁸ co vendekele ngeci, nga munu umo ajeneka kwija a matangwa atatu, ngwe ku majwi a vantwama, co vakamutambula vufuko vwendi vwoshe, co kakapu lalo umo wa mu mbunga ya vaje vatundile ku vunzinda.

⁹ Co a matangwa aje atatu, ku litangwa lyamumakumi avali ku ngonde yamucitanu na viwana, vanalume voshe vaje vakele mu mutambela wa Yunda na Mbenjemani vezile ku Yelusalema, vakungulukilile mushandangala ku Njuvo ya Shukulu Kalunga. Co nyonzi yanyokele, co omwo lisika na vukama vwa cikungulukilo cije, munu na munu wakele nakujaja.

¹⁰ Co Ezela muka-kukombelela wemanene nakwendeka kuli vakevo ngwendi, “Munapokola lishiko omwo akwambata vanakazi veka, co munanena mulonga a Isalele.

¹¹ Ngecivene, ololo, litaveleni vuvi vweni kuli Shukulu Kalunga, Njambi ya vakukulwila veni, nakulinga vije asshaka. Lyangunukeni na vanu va mu lifuti lino, co lalo lyangunukeni na vanakazi vaje kesi vaYunda.”

¹² Co vanu vakumbulwile nakutambeka ngwavo, “Mukemwo, tukalinga vyoshe evi viwunendeka.”

¹³ Oloni vendekele lalo ngwavo, “Mbunga inapu yakama manene, co lalo nyonzi ilinakunyoka manene, kutwasa kwimana kuno mushandangala ngacije embwe. Eci cuma kesi cakulinga litangwa limo nambe matangwa avali embwe, omwo tuvavoshe tunalingi vuvi ovu.

¹⁴ Anguleni lika vamyata vetu vakale mu Yelusalema ngeci vakenge a n̄anda eyi. Ngecivene, taveni munu na munu ou ali na munakazi kesi kaYunda aije a simbu ije ivanemika, amolika na vantwama na maako va mu nganda yendi. Co mu ngila eyi, vukalu vwa Njambi vukahwa a cuma eci.”

¹⁵ Naumo wai wapopolwele vutumbe ovu kuvanga lika Yonatana muna Ashahele, na Njahezeya muna Tikeva, vaje vavakwasele kuli Meshulame na Shavetai kaLevi.

¹⁶ Vinzinda vaje velukile kutunda ku vunzinda vatavele vutumbe ovu, ngecivene, Ezela muka-kukombelela wemikile vanu akati ka vakulunu va mu vikota, co wasonekele mazina avo. A litangwa lyakulivanga ku ngonde yamulikumi, vashangumukile kulohwelela ije n̄anda ya malo,

¹⁷ co mu vingonde vitatu valohwelelele vin̄anda vyoshe vya vanalume vaje vambatele vanakazi kesi vaYunda.

Vanalume vaje vambatele vanakazi kesi vaYunda

¹⁸ Ou ukewo mukana wa mazina a vaje vanalume vambatele vanakazi kesi vaYunda. Mukana wa vikota vya vaka-kukombelela. Ku cikota ca Yoshwa na vandolome vendi, vana va Yehozandake vapwile, Maseya, Elyazale, Njalive, na Ngendaliya.

¹⁹ Vakevo vakulaesele kukondola vanakazi vavo, co vakombelelele lijamba kupwa n̄ombelo ya a vuvi.

²⁰ Ku cikota ca Imeli kwakele, Hanani, na Zevandiya.

²¹ Ku cikota ca Halime kwakele, Maseya, na Elinja, na Shemaya, na Njehiyele, na Uziya.

²² Ku cikota ca Pashehule kwakele, Elyoenai, na Maseya, na Ishimele, na Netanela, na Njozavande, na Elasa.

²³ VaLevi. Kwakele, Njozavande, na Shimei, na Kelaya, (uje ivatumbwile lalo ngwavo Kelita,) na Petahiya, na Yunda, na Elyazale.

²⁴ Vaka-kwimba. Kwakele, Elyashimbe. Ku vaka-kunyunga Njuvo ya Shukulu Kalunga kwakele, Shalume, na Teleme, na Uli.

²⁵ Vakwavo lalo. Kwakele ava. Ku cikota ca Paloshe kwakele, Lamiya, na Iziya, na Malekiya, na Mijamine, na Elyazale, na Malekiya, na Mbenaya.

²⁶ Ku cikota ca Elame kwakele, Mataniya, na Zekaliya, na Njehiyele, na Avendi, na Njelemote, na Elinja.

²⁷ Ku cikota ca Zatu kwakele, Elyoenai, na Elyashimbe, na Mataniya, na Njelemote, na Zavande, na Aziza.

²⁸ Ku cikota ca Mbevai kwakele, Njehohanane, na Hananiya, na Zavai, na Atelai.

²⁹ Ku cikota ca Mbani kwakele, Meshulame, na Maluke, na Andaya, na Njashumbe, na Sheale, na Njelemote.

³⁰ Ku cikota ca Pahate Mowavi kwakele, Andena, na Kelale, na Mbenaya, na Maseya, na Mataniya, na Mbezalele, na Mbinui, na Manase.

³¹ Ku cikota ca Halime kwakele, Elyazale, na Ishiya, na Malekiya, na Shemaya, na Shimeone,

³² na Mbenjemani, na Maluke, na Shemaliya.

³³ Ku cikota ca Hashume kwakele, Matenai, na Matata, na Zavande, na Elifelete, na Njelemai, na Manase, na Shimei.

³⁴ Co ku cikota ca Mbani kwakele, Maandai, na Amelame, na Wele,

³⁵ na Mbenaya, na Mbendeya, na Keluhi,

³⁶ na Vaniya, na Melemote, na Elyashimbe,

³⁷ na Mataniya, na Matenai, na Njaasu.

³⁸ Ku cikota ca Mbinui kwakele, Shimei,

³⁹ na Shelemiya, na Natane, na Andaya,

⁴⁰ na Makenandevai, na Shashai, na Shalai,

⁴¹ na Azalele, na Shelemiya, na Shemaliya,

⁴² na Shalume, na Amaliya, na Yosefa.

⁴³ Ku cikota ca Nembo kwakele, Njeyele, na Matitiya, na Zavande, na Zevina, na Njandai, na Njwele, na Mbenaya.

⁴⁴ Vanalume voshe ava vambatele vanakazi kesi vaYunda. Co valyangunukile navo, vavakondwele amolika na vana vavo.