Esita 10 - Livulu lya Shukulu Kalunga

Vukama vwa Sheleshe na Molendekai

¹ Mwene Sheleshe waakele lisimu a vanu vaje vakele mukati ka lifuti, naa vanu vaje vakele kuyehi na mema a kalunga.

² Vyuma vyoshe vyakama nevi vyakukomokesa vije vyalingile, na a n̄anda yoshe yakwamesa Molendekai, vavisoneka mu livulu lya mizimbu ya vumwene vwa Pelesha na Mendiya.

³ Molendekai kaYunda ikeye wapwile wamucivali ku vukama kwata kuli Mwene Sheleshe. Vamusingimikile nakumuzema kuli vavushoko vwendi vaYunda. Washakele kalesi yaivwa ya vanu vendi amolika na kwoloka kwa vatekulwila vavo.