Amose 1 - Livulu lya Shukulu Kalunga

Mukanda wa Amose

¹ Awa akewo majwi a Amose, kanyungi ku limbo lya Tekowa. Njambi washolwele vyuma vyoshe evi kuli Amose ali Isalele a myaka ivali simbu kanda lifuti lijaje, omo Uziya wapwile mwene wa mu Yunda, co Yelovowame muna Yehowashe wapwile mwene wa mu Isalele.

² Amose wendekele ngwendi, “Shukulu Kalunga alinakwaana ngwe ndumba ku Siyone, lijwi lyendi lilinakuluma ku Yelusalema. Vulilo vunominina cau, na mwila wa a Munkinda wa Kalemele unavenguluka ngengu!” Silya

Kusompa kwa Njambi a vandambo va Isalele

Silya

³ Shukulu Kalunga alinakwendeka ngwendi, “Vanu va ku Ndamasiku vanalingi vuvi kushwakumo, omwo eci mwa vushunga njikavanyanyamesa. Omwo vakele na muuka kuli vanu va ku Ngilyande.

⁴ Ngecivene, njikenyeka lipela lya Mwene Hazayele, co njikenyeka vimpaka vya Mwene Mbenehandande.

⁵ Njikavatozola vikolo vya nganda ya Ndamasiku nakutundisa vanu vakala mu cimbongo ca Avene na muka-kushwana wa ku Mbetendene. Co vanu va ku Silya vakavatwala mu vunzinda ku lifuti lya Kile.” Filisitiya

Filisitiya

⁶ Shukulu Kalunga alinakwendeka ngwendi, “Vanu va ku Ngaza vanalingi vuvi kushwakumo, omwo cuma eci mwa vushunga njikavanyanyamesa. Vatwalele muyati woshe nakuvalandesa kupwa vinzinda kuli vanu va ku Endome.

⁷ Ngecivene, njikenyeka vivumbe vya nganda ya Ngaza nakwenyeka vimpaka vyayo njwa.

⁸ Njikatundisa vaka-kushwana va mu vinganda vya Ashendonde, na Ashekelone. Njikanyanyamesa nganda ya Ekelone, co vaFilisitiya voshe vaje vanasalao vakatsa.” Tile

Tile

⁹ Shukulu Kalunga alinakwendeka ngwendi, “Vanu va ku Tile vanalingi vuvi kushwakumo, omwo cuma eci mwa vushunga njikavanyanyamesa. Vatwalele muyati woshe mu vunzinda mu lifuti lya Endome, co kuvanyungile lizivasano lya vusamba vuvalingile.

¹⁰ Ngecivene, njikenyeka vivumbe vya nganda ya Tile nakwenyeka vimpaka vyayo.” Endome

Endome

¹¹ Shukulu Kalunga alinakwendeka ngwendi, “Vanu va ku Endome vanalingi vuvi kushwakumo, omwo cuma eci mwa vushunga njikavanyanyamesa. Omwo vakevo vatsiile vandolome vavo vaIsalele, co kuvavamwesele mema ku mbunge. Vukalu vwavo kuvwahwile, kuvavututumwisile.

¹² Ngecivene, njikenyeka nganda ya Temane nakwenyeka vimpaka vya Mbozile.” Amoni

Amoni

¹³ Shukulu Kalunga alinakwendeka ngwendi, “Vanu va ku Amoni vanalingi vuvi kushwakumo, omwo cuma eci mwa vushunga njikavanyanyamesa. Mu vinzita vyavo vyakulwisa mafuti amangi, vakevo vatavwile vanakazi va ku Ngilyande vaje vakele na memo.

¹⁴ Ngecivene, njikenyeka vivumbe vya nganda ya Lamba nakwenyeka vimpaka vyayo. Cooni kukakala miteto a litangwa lya nzita, co nzita ikakatuka manene ngwe lihunzi lyakama.

¹⁵ Co mwene yavo na vamyata vendi vakaya ku vunzinda.”