3 Yowano 1 - Livulu lya Shukulu Kalunga

¹ Mukanda wakutunda kuli Mukulunu. Kuli muka-cizemo cange Ngayu, uje injazema mu vushunga.

² Musamba wange injazema, njilinakukulombelela ngwange vyuma vyoshe vyende mwamuvwa nove, co ukale na ciindu cacivwa, ngwe njazivuka ngwange ulimwamuvwa mu munzinzime wove.

³ Njavwaelelele manene omo vamo vakwetu vaka-Yesu vetele nakunjileka vya lukakateya lwove ku vushunga, ngwe simbu yoshe yove wayoya mu vushunga.

⁴ Kukwesi cimo cinjinenela kuvwaelela kutuvakana kuziva ngwavo vana vange valinakuyoya mu vushunga.

Ngayu vamushangazala

⁵ Musamba wange injazema, unapu wa kulongwa mu vipangi vyove ulinakulinga kuli vakweni vaka-Yesu, nameme omo vakevo vanapu vangenzi.

⁶ Vanambulula vya cizemo cove ku cikungulukilo cili kuno. Vakwase ngeci vatwaleleleo a vungenzi vwavo mu ngila ije ivwaelelesa Njambi.

⁷ Omwo vakevo vaile vungenzi vwavo mukupangela Kilistu kujeneka kutambula vukwaso kuli vaka-kujeneka kukulaela.

⁸ Ngecivene, yetu vaka-Yesu, tunapande kukwasa vanu ava, ngeci tulipangele navo mu vipangi vyavo vya vushunga.

Ndiyotelefese na Ndemetelyase

⁹ Njasonekele mukanda wa majwi amandondo ku cikungulukilo, oloni Ndiyotelefese, uje wazema ngeci apwe ntwama yavo, kesi kumbako mbunge ku vije njekendeka.

¹⁰ Ngecivene, omo njikaija, njakumisholwela vyoshe vyanalingi, vyuma vyakukomokesa vije akendeka ali yetu, na makuli aje akambulula! Oloni vyoshe evi kuvyapwilemo kuli ikeye, kasa kutambula vakwavo vaka-Yesu omo vaija, co avindika lalo nambe vaje vashaka kuvatambula, co avasheka mu cikungulukilo!

¹¹ Musamba wange injazema, kesi utembunwine vije vyavivi, oloni tembuwina vije vyavivwa. Woshe uje alinga vyavivwa ikeye wakundama kuli Njambi, woshe uje alinga vyavivi kamwene Njambi.

¹² Vanu voshe valinakushangazala Ndemetelyase,vushunga vulyambulula vukevwo vavenya ali ikeye. Co netu tuwezelelako vukaleo vwetu, co mwazivuka ngweni vije vitulinakwendeka vinapu vya vushunga.

Viindu vyakumanesela

¹³ Njili na vyavingi vyakukuleka, oloni kunjishaka kuvisoneka na lapi nambe na tinta.

¹⁴ Njili na cinyangavili cakukumona ololo vene, co twakusimutwiya mesho na mesho.

¹⁵ Kwoloka kukale nove. Vasamba veni voshe vanatumu viindu kuli yove. Viindu kuli vasamba vetu voshe.