1 Mizimbu 6 - Livulu lya Shukulu Kalunga

Mukana wa naanga ya Vaka-kukombelela Vakama

¹ Levi wakele na vana vatatu mazina avo, Ngeleshone, na Kohate, na Melali.

² Kohate wakele na vana vawana mazina avo, Amelame, na Izehale, na Hevelone, na Uziyele.

³ Amelame wakele na vana va vanalume vavali mazina avo, Alone, na Mosesa, na mwana umo wa munakazi, lizina lyendi Milyamu. Alone wakele na vana va vanalume vawana mazina avo, Nandave, na Avihu, na Elyazale, na Itamale.

⁴ Vatekulwila va Elyazale kutunda ku cisemwa cimo nakweta ku cisemwa cikwavo vakevo ava, Finehase, na Avishwa,

⁵ na Mbuki, na Uzi,

⁶ na Zelahiya, na Melayote,

⁷ na Amaliya, na Ahituve,

⁸ na Zandoke, na Ahimaza,

⁹ na Azaliya, na Yohanane,

¹⁰ Azaliya (ikeye uje wakele nakupanga mu Njuvo ya Shukulu Kalunga ije yatungile Mwene Solomoni mu Yelusalema),

¹¹ Amaliya, na Ahituve,

¹² na Zandoke, na Shalume,

¹³ na Hilikiya, na Azaliya,

¹⁴ na Selaya, na Yehozandake.

¹⁵ Yehozandake waile vunzinda, omo Shukulu Kalunga waanene Yunda na Yelusalema mu mavoko a Nevukaneza.

Vatekulwila vakwavo va Levi

¹⁶ Levi wakele na vana vatatu mazina avo, Ngeleshone, na Kohate, na Melali.

¹⁷ Co umo na umo lalo wakele na vana. Mazina avo Ngeleshone ishe ya Limbeni, na Shimei.

¹⁸ Co vana va Kohate mazina avo, Amalame, na Izehale, na Hevelone, na Uziyele,

¹⁹ co vana va Melali mazina avo, Maheli, na Mushi.

²⁰ Ava vakevo vatekulwila va Ngeleshone kutunda ku cisemwa cimo nakweta ku cisemwa cikwavo, Limbeni, na Njahate, na Zima,

²¹ na Yowahe, na Indo, na Zela, na Njeatelai.

²² Ava vakevo vatekulwila va Kohate kutunda ku cisemwa cimo nakweta ku cisemwa cikwavo, Aminandave, na Kola, na Asile,

²³ na Elekana, na Eviyasafe, na Asile,

²⁴ na Tahate, na Uliyele, na Uziya, na Shaulu.

²⁵ Elekana wakele na vana vavali mazina avo, Amasai, na Ahimote.

²⁶ Ava vakevo vatekulwila va Ahimote kutunda ku cisemwa cimo nakweta ku cisemwa cikwavo, Elekana, na Zofai, na Nahate,

²⁷ na Elyave, na Yelohame, na Elekana.

²⁸ Samwele wakele na vana vavali mazina avo, Njwele ikeye wapwile mwana wa ntwatwa, co shongo wapwile Aviya.

²⁹ Ava vakevo vatekulwila va Melali kutunda ku cisemwa cimo nakweta ku cisemwa cikwavo, Maheli, na Limbeni, na Shimei, na Uza,

³⁰ na Shimeya, na Hangiya, na Asaya.

Vaka-kwimba va mu Njuvo ya Shukulu Kalunga

³¹ Ava vakevo vanu vaje vaakele Mwene Ndaviti kwendesa vipangi vyakwimba myaso ku mwela wakulemesela mu Yelusalema, omo Cikasa ca Cikumiiyo cakele kuje.

³² Vakele nakulyakula ku vipangi vya mu Mbalaka Mwakuliwanena noo Mwene Solomoni watungile Njuvo ya Shukulu Kalunga.

³³ Mukana wa naanga ya vanalume vaje vapangele amo na vana vavo ukewo ou. Cikota ca Kohate, Hemane, ikeye wapwile ntwama wa munga yakulivanga ya vaka-kwimba myaso, ikeye wapwile muna Njwele. Co mukana wa naanga yendi washangumukilile kuli Yakomba vakevo ava, Hemane muna Njwele, muna Samwele,

³⁴ muna Elekana, muna Njelohame, muna Elyele, muna Towa,

³⁵ muna Zufe, muna Elekana, muna Mahate, muna Amasai,

³⁶ muna Elekana, muna Njwele, muna Azaliya, muna Zefaniya,

³⁷ muna Tahate, muna Asile, muna Eviyasafe, muna Kola,

³⁸ muna Izehale, muna Kohate, muna Levi, muna Yakomba.

³⁹ Asafe ikeye wapwile ntwama wamucivali wa vaka-kwimba myaso. Co mukana wa naanga yendi washangumukilile kuli Levi vakevo ava, Asafe muna Mbelekiya, muna Shimbeya,

⁴⁰ muna Mikaele, muna Mbaseya, muna Malekiya,

⁴¹ muna Eteni, muna Zela, muna Andaya,

⁴² muna Etane, muna Zima, muna Shimei,

⁴³ muna Njahate, muna Ngeleshone, muna Levi.

⁴⁴ Etane wa ku cikota ca Melali wapwile ntwama wamucivali wa vaka-kwimba myaso, mukana wa naanga yendi washangumukilile kuli Levi vakevo ava, muna Kishi, muna Avendi, muna Maluke,

⁴⁵ muna Hashaviya, muna Amaziya, muna Hilikiya,

⁴⁶ muna Amazi, muna Mbani, muna Shemele,

⁴⁷ muna Maheli, muna Mushi, muna Melali, muna Levi.

⁴⁸ Co vavushoko vwavo vaLevi, vavaanene vipangi vyoshe vya mu mwela wakulemesela.

Vatekulwila va Alone

⁴⁹ Co Alone na vatekulwila vendi vakevo vakele nakwana vin̄ombelo vya insense, nakukombelela vin̄ombelo vije vya kwenyeka a mutula. Vakele na moko yakupanga vipangi vyakulemesa mu Mwela Wakujela Manene, na vin̄ombelo vije Njambi wakele nakwaambesa navyo vuvi vwa Isalele. Co valingile vyoshe vije ngwe ku vilongesa vije vyashikile Mosesa, ngamba ya Njambi.

⁵⁰ Co ava vakevo vatekulwila va Alone, Elyazale, na Finehase, na Avishwa,

⁵¹ na Mbuki, na Uzi, na Zelahiya,

⁵² na Melayote, na Amaliya, na Ahituve,

⁵³ na Zandoke, na Ahimaza.

Kuje kuvakele vaLevi

⁵⁴ Eli likelyo lifuti livaanene kuli vatekulwila va Alone cikota ca Kohate. Vatambwile litambelo lyakulivanga lya lifuti livaanene kuli vaLevi.

⁵⁵ Kuwezelelako Hevelone mu lifuti lya Yunda na mitambela yakulila vimuna ije yazengelekeleko.

⁵⁶ Mahya, na membo, aje akundamene ku nganda vawaanene kuli Kalembi muna Njefune.

⁵⁷ Vatekulwila va Alone vavaanene membo a vutewelo, Hevelone, na Limbena, na mitambela yayo yakulila vimuna, Njatile, Eshetemowa, na mitambela yayo yakulila vimuna,

⁵⁸ Hilene, na Ndembile, na mitambela yayo yakulila vimuna,

⁵⁹ na Ashane, na mitambela yayo yakulila vimuna, na Mbete Shemeshe, na mitambela yayo yakulila vimuna.

⁶⁰ Co mu lifuti lya Mbenjemani vavaanene membo na mitambela yayo yakulila vimuna, Ngemba, na Alemete, na Anatote. Membo oshe apwile likumi na atatu muvakele na naanga yavo.

⁶¹ Membo likumi a mu mutambela wa Manase wa mu kangombe ka yambi, vaanene akuta n̄ela kuli vaje vaka-cikota ca Kohate vasaleleo, naanga na naanga.

⁶² Co ku cikota ca Ngeleshone, naanga na naanga, vavaanene membo likumi na atatu mu mitambela ya Isakale, na Ashele, na Nafetali, na Manase wa mu ngangela mu Mbashane.

⁶³ Mu ngila imo vene, membo likumi na avali mu mitambela ya Luvena, na Ngande, na Zembuloni vaanene ku cikota ca Melali, naanga na naanga.

⁶⁴ Co mu ngila ije vene vanu va Isalele vavaanene membo a vaLevi kukalamo, amo na mitambela ije yazengelekeleko yakulila vimuna vavo.

⁶⁵ (Co membo a mu mitambela ya Yunda, na Simyoni, na Mbenjemani, vavanenewo akuta n̄ela.)

⁶⁶ Co naanga imo ya cikota ca Kohate vavaanene membo na mitambela yakulila vimuna vavo mu lifuti lya Efalime,

⁶⁷ co Shekeme, nganda ya vutewelo ya mu malundu a Efalime, Ngezele,

⁶⁸ na Njokemeyame, na Mbete Holone,

⁶⁹ na Ainjalone, na Ngate Limone.

⁷⁰ Mu lifuti lya Manase wa mu kangombe ka yambi vavaanene membo a Anele, na Mbilyame, na mitambela yakulila vimuna ije yazengelekeleko.

⁷¹ Co naanga ya cikota ca Ngeleshone vavaanene membo, na mitambela yakulila vimuna ije yazengelekeleko. Mu lifuti lya Manase wa mu ngangela, Mbashane, na Ngolane, na Ashetalote.

⁷² Mu lifuti lya Isakale, Kendeshe, na Ndambelate,

⁷³ na Lamote, na Anema.

⁷⁴ Mu lifuti lya Ashele, Mashale, na Ambandone,

⁷⁵ na Hukoke, na Lehombe.

⁷⁶ Mu lifuti lya Nafetali, Kendeshe mu Ngalileya, na Hamone, na Kilyataime.

⁷⁷ Co naanga ije yasaleleo ya ku cikota ca Melali vavanene membo na mitambela yakulila vimuna. Mu lifuti lya Zembuloni, Limono, na Tambole.

⁷⁸ Mu lifuti lya Luvena, mu ngangela ya Ndonga ya Yondau, musambwa ya Yeliko, vavaanene Mbezele, na Njaheza,

⁷⁹ na Kendemote, na Mefaate.

⁸⁰ Mu lifuti lya Ngande, Lamote, mu Ngilyande, na Mahanaime,

⁸¹ na Heshevone, na Njazele.