1 Mizimbu 3 - Livulu lya Shukulu Kalunga

Vana va Mwene Ndaviti

¹ Ava vakevo vana va Ndaviti vaje vakitile a simbu ije wakele mu Hevelone. Wa ntwatwa lizina lyendi Aminone, vaina vapwile Ahinowame wa ku Njezelele. Wamucivali Ndanyele, vaina vapwile Avingaile wa ku Kalemele.

² Wamucitatu Avisalome, vaina vapwile Maka muna Mwene Talemai wa ku Ngeshule. Wamuciwana Andoniya, vaina vapwile Hangite.

³ Wamucitanu Shefatiya, vaina vapwile Avitale, na Iteleyame, vaina vapwile Engela.

⁴ Voshe ava vatanu na umo vavakitilile ku Hevelone mu simbu ya myaka ije itanu na litambelo ije yashwanene Ndaviti kuje. Ndaviti washwanene kupwa mwene mu Yelusalema myaka makumi atatu na itatu,

⁵ co vana vavangi vavakitilile kuje. Co munakazi wendi Mbateshemba, muna Amiyele, wakitile vana vawana mazina avo, Shimeya, na Shombambe, na Natane, na Solomoni.

⁶ Co wakele na vana vakwavo vatanu na vawana mazina avo, Imbehale, na Elishwa, na Elepelete,

⁷ na Nonga, na Nefenge, na Njafiya,

⁸ na Elishama, na Elyanda, na Elifelete.

⁹ Kupandakana ku vana voshe ava, Ndaviti wakele na vana kuli mashano vendi va mbanja. Co lalo wakele na mwana wa munakazi lizina lyendi Tamale.

Vatekulwila va Mwene Solomoni

¹⁰ Ou ukewo mukana wa vatekulwila va Mwene Solomoni, kutunda kuli ishavo kutwala na ku vana. Solomoni wakitile Lehovowame, Lehovowame wakitile Aviya, Aviya wakitile Asa, Asa wakitile Njosefati,

¹¹ Njosefati wakitile Njeholame, Njeholame wakitile Ahaziya, Ahaziya wakitile Yowashe,

¹² Yowashe wakitile Amaziya, Amaziya wakitile Uziya, Uziya wakitile Yotame,

¹³ Yotame wakitile Ahaze, Ahaze wakitile Hezekiya, Hezekiya wakitile Manase,

¹⁴ Manase wakitile Amoni, na Yosiya.

¹⁵ Co Yosiya wakele na vana vawana mazina avo, Yohanane, na Yehoyakime, na Zendekiya, na Yowahaze.

¹⁶ Yehoyakime wakele na vana vavali mazina avo, Yehoyakine, na Zendekiya.

Vatekulwila va Mwene Yehoyakine

¹⁷ Ava vakevo vatekulwila va Mwene Yehoyakine, uje vatwalele ku vunzinda ku vaMbambilone. Yehoyakine wakele na vana vatanu na vavali mazina avo, Sheyaletiyele,

¹⁸ na Malekilame, na Pendaya, na Shenazale, na Yekamiya, na Hoshama, na Nendaviya.

¹⁹ Pendaya wakele na vana vavali mazina avo, Zelumbambele, na Shimei. Zelumbambele wakele na vana va vanalume vavali mazina avo, Meshulame, na Hananiya, na umo wa munakazi lizina lyendi, Shelomiti.

²⁰ Co wakele na vana veka vatanu mazina avo, Hashumba, na Ohele, na Mbelekiya, na Hasandiya, na Njushambe Hesende.

²¹ Hananiya wakele na vana vavali mazina avo, Pelatiya, na Njeshaya. Njeshaya wakitile Lefaya, Lefaya wakitile Alenane, Alenane wakitile Ovandiya, Ovandiya wakitile Shekaniya.

²² Shekaniya wakele na mwana umo lizina lyendi Shemaya, co wakele na vatekulu vatanu mazina avo, Hatushe, na Ingale, na Mbaliya, na Nealiya, na Shafate.

²³ Nealiya wakele na vana vatanu mazina avo, Elyoenai, na Hizekiya, na Azelikame.

²⁴ Elyoenai wakele na vana vatanu na vavali mazina avo, Elyashimbe, na Pelaya, na Akumbe, na Yohanane, na Ndelaya, na Anani.