1 Mizimbu 25 - Livulu lya Shukulu Kalunga

Vaka-kwimba mu Njuvo ya Shukulu Kalunga

¹ Mwene Ndaviti na vantwama va vaLevi vaangwile vikota vya vaLevi kutwamenena vipangi vyakulemesa, mazina avo, Asafe, na Hemane, na Njendutune. Vaje vakele nakwambulula vin̄anda vya Njambi, nakwimba myaso a tulyalya na a vingenjo. Ou ukewo mukana wa vanu vavaangwile kupwa vaka-kutwamenena akulemesa, ngwe a ngila ije vaangwile yakwendeselamo vipangi vije mbunga imo na imo yalingile.

² Co Asafe wakele na vana vawana mazina avo, Zakule, na Yosefa, na Netaniya, na Ashalela. Asafe ikeye wakele nakuvatwamenena, uje wakele nakwambulula vin̄anda vya Njambi ngwe mwamushikile mwene.

³ Co vana va Njendutune vatanu na umo mazina avo, Ngendaliya, na Zeli, na Njeshaya, na Shimei, na Hashaviya, na Matitiya, vakevo vakele nakwambulula vin̄anda vya Njambi, co ishavo ikeye wakele nakuvatwamenena kwimba na tulyalya, mukwalesa nakukandelela Shukulu Kalunga.

⁴ Co vana va Hemane likumi na vawana mazina avo, Mbukiya, na Mataniya, na Uziyele, na Shevwele, na Njelimote, na Hananiya, na Hanani, na Elyata, na Ngindaleti, na Lomameti, na Ezele, na Njoshembekasha, na Maloti, na Hotile, na Mahaziyote.

⁵ Njambi waanene kuli Hemane, muka-kwimanena wa mwene, vana ava likumi na vawana, co wakele lalo na vana va vanakazi vatatu, ngwe mwakulaesele Shukulu Kalunga kwana nzili kuli Hemane.

⁶ Vana vendi voshe ishavo ikeye wakele nakuvatwamenena kwimba vingenjo na tulyalya, mu Njuvo ya Shukulu Kalunga akulemesa. Co Asafe, na Njendutune, na Hemane, vakele nakuvashika kuli mwene.

⁷ Vanalume voshe vaje makumi avali na vawana vapwile vaka-vutongwe, vaLevi vakwavo vavalongesele kupwa vaka-kwimba. Co voshe vanalume vapwile 288 ngwe ku vinaanga vyavo.

⁸ Co vatele n̄ela omo a vipangi vyavo, voshe vakele nakuta n̄ela, vanike nambe vakulunu, mulongisi nambe ndongisi.

⁹ N̄ela yakulivanga yawililile kuli Asafe yapwile ya Yosefa, yamucivali kuli Ngendaliya, na vavushoko vwendi, na vana vendi likumi na vavali,

¹⁰ yamucitatu yawililile kuli Zakule, na vavushoko vwendi, na vana vendi likumi na vavali,

¹¹ yamuciwana yawililile kuli Izeli, na vavushoko vwendi, na vana vendi likumi na vavali,

¹² yamucitanu yawililile kuli Netaniya, na vavushoko vwendi, na vana vendi likumi na vavali,

¹³ yamucitanu na imo yawililile kuli Mbukiya, na vavushoko vwendi, na vana vendi likumi na vavali,

¹⁴ yamucitanu na ivali yawililile kuli Njeshalela, na vavushoko vwendi, va vana vendi likumi na vavali,

¹⁵ yamucitanu na itatu yawililile kuli Njeshaya, na vavushoko vwendi, na vana vendi likumi na vavali,

¹⁶ yamucitanu na iwana yawililile kuli Mataniya, na vavushoko vwendi, na vana vendi likumi na vavali,

¹⁷ yamulikumi yawililile kuli Shimei, na vavushoko vwendi, na vana vendi likumi na vavali,

¹⁸ yamulikumi na imo yawililile kuli Azalele, na vavushoko vwendi, na vana vendi likumi na vavali,

¹⁹ yamulikumi na ivali yawililile kuli Hashaviya, na vavushoko vwendi, na vana vendi likumi na vavali,

²⁰ yamulikumi na itatu yawililile kuli Shumbale, na vavushoko vwendi, na vana vendi likumi na vavali,

²¹ yamulikumi na iwana yawililile kuli Matitiya, na vavushoko vwendi, na vana vendi likumi na vavali,

²² yamulikumi na itanu yawililile kuli Njelimote, na vavushoko vwendi, na vana vendi likumi na vavali,

²³ yamulikumi na itanu na imo yawililile kuli Hananiya, na vavushoko vwendi, na vana vendi likumi na vavali,

²⁴ yamulikumi na itanu na ivali yawililile kuli Njoshembekasha, na vavushoko vwendi, na vana vendi likumi na vavali,

²⁵ yamulikumi na itanu na itatu yawililile kuli Hanani, na vavushoko vwendi, na vana vendi likumi na vavali,

²⁶ yamulikumi na itanu na iwana yawililile kuli Maloti, na vavushoko vwendi, na vana vendi likumi na vavali,

²⁷ yamumakumi avali yawililile kuli Elyata, na vavushoko vwendi, na vana vendi likumi na vavali,

²⁸ yamumakumi avali na imo yawililile kuli Hotile, na vavushoko vwendi, na vana vendi likumi na vavali,

²⁹ yamumakumi avali na ivali yawililile kuli Ngindaleti, na vavushoko vwendi, na vana vendi likumi na vavali,

³⁰ yamumakumi avali na itatu yawililile kuli Mahaziyote, na vavushoko vwendi, na vana vendi likumi na vavali,

³¹ yamumakumi avali na iwana yawililile kuli Lomameti Ezele, na vavushoko vwendi, na vana vendi, likumi na vavali.