1 Mizimbu 2 - Livulu lya Shukulu Kalunga

Vatekulwila va Yunda

¹ Yakomba wakele na vana vendi likumi na vavali mazina avo, Luvena, na Simyoni, na Levi, na Yunda, na Isakale, na Zembuloni,

² na Ndani, na Yosefa, na Mbenjemani, na Nafetali, na Ngande, na Ashele.

³ Yunda wakele na vana vendi vatanu. Co kuli munakazi wendi Mbateshuwa, wa ku Kanana wakitilileko vana vatatu mazina avo, Ele, na Onane, na Shela. Co munendi wa ntwatwa, Ele, walingile vuvi manene ngeci Shukulu Kalunga wamutsiile.

⁴ Co Yunda wakitile vana vavali kuli vainamweno Tamale mazina avo, Peleze, na Zela.

⁵ Co Peleze wakele na vana vavali, Hezelone, na Hamule.

⁶ Co ndolome yendi Zela wakele na vana vatanu mazina avo, Zimeli, na Etane, na Hemane, na Kalekole, na Ndalenda.

⁷ Kalemi wakitile Akane, umo wa vatekulwila va Zela, uje wanenele vukalu ali vanu va Isalele akunyunga vyakupukula vije vivakundikile kuli Njambi.

⁸ Etane wakele na mwana umolika lizina lyendi, Azaliya.

Naanga ya Mwene Ndaviti

⁹ Hezelone wakele na vana vatatu mazina avo, Njelahamele, na Lama, na Kalembi.

¹⁰ Naanga kutunda kuli Lama nakweta kuli Njesi yapwile eyi. Lama wakitile Avinandave, co Avinandave wakitile Nashone ntwatwa wa ku muyati wa Yunda,

¹¹ co Nashone wakitile Salemone, co Salemone wakitile Mbowasi,

¹² co Mbowasi wakitile Ovende, co Ovende wakitile Njesi.

¹³ Njesi wakele na vana va vanalume vatanu na vavali. Ntwatwa wapwile, Elyave, wamucivali Avinandave, wamucitatu Shama,

¹⁴ wamuciwana Netanela, wamucitanu Landai,

¹⁵ wamucitanu na umo Ozema, wamucitanu na vavali Ndaviti.

¹⁶ Co wakele lalo na vana vendi va vanakazi vavali, mazina avo, Zeluya, na Avingaile. Muna Njesi Zeluya wakele na vana vatatu va vanalume mazina avo, Avishai, na Yowave, na Ashahele.

¹⁷ Co munendi mukwavo wa munakazi Avingaile washombokele kuli Njetele, mutekulwila wa Ishimela, co vakele na mwana wa munalume lizina lyendi Amasa.

Vatekulwila va Hezelone

¹⁸ Co Kalembi muna Hezelone wambatele Azuva, co vakele na mwana wa munakazi lizina lyendi Njelyote. Co Njelyote wakele na vana vatatu mazina avo, Njeshele, na Shombambe, na Alendone.

¹⁹ Omo Azuva watsile, co Kalembi wambatele Efaleta, vakele na mwana lizina lyendi Hule.

²⁰ Hule wakitile munendi wa munalume lizina lyendi Uli, co mutekulyendi wapwile Mbezalele.

²¹ Omo Hezelone wakele na myaka makumi atanu na limo, co wambatele muna Makile, ndokazi ya Ngilyande. Vakele na mwana wa munalume lizina lyendi Senguve,

²² co Senguve wakele na mwana lizina lyendi Njaile. Co Njaile washwanene vinganda makumi avali na vitatu mu lifuti lya Ngilyande.

²³ Oloni vumwene vwa Ngeshule na Alama vwahyanene vinganda makumi atanu na limo muje, kuwezelelako membo a Njaile, na Kenate, na vinganda vije vyakele kuyehi. Co vanu voshe vaje vakele muje vapwile vatekulwila va Makile, ishe ya Ngilyande.

²⁴ Omo Hezelone watsile, co munendi Kalembi wambatele Efaleta, fwile ya ishe. Co vakele na mwana lizina lyendi Ashehule, uje wawanene limbo lya Tekowa.

Vatekulwila va Njelahamele

²⁵ Njelahamele, mwana wa ntwatwa wa Hezelone, wakele na vana vatanu mazina avo, Lama ikeye ntwatwa, na Mbuna, na Olene, na Ozema, na Ahiya.

²⁶ Njelahamele wakele lalo na munakazi wendi mukwavo lizina lyendi Atala, ikeye wapwile vaina ya Oname.

²⁷ Vana va Hama ntwatwa ya Njelahamele vapwile, Maze, na Njamine, na Ekele.

²⁸ Co Oname wakele na vana vavali mazina avo, Shamai, na Njanda, co Shamai lalo wakele na vana vavali mazina avo, Nandave, na Avishule.

²⁹ Co Avishule wambatele munakazi lizina lyendi Avihaile, vakevo vakele lalo na vana va vanalume mazina avo, Ahavani, na Molende.

³⁰ Co Nandave ndolome ya Avishule wakele na vana vavali mazina avo, Selende, na Apaime, oloni Selende watsile, kakele na vana.

³¹ Apaime wapwile ishe ya Ishi, co Ishi wapwile ishe ya Sheshane, co Sheshane wapwile ishe ya Ahelai.

³² Njanda, ndolome ya Shamai, wakele na vana vavali mazina avo, Njetele, na Yonatana, oloni Njetele watsile kwakujeneka vana.

³³ Yonatana wakele na vana vavali mazina avo. Pelete, na Zaza. Voshe ava vapwile vatekulwila va Njelahamele.

³⁴ Sheshane kakele na vana va vanalume, kuvanga lika vana va vanakazi. Wakele na ngamba wa kaIngito, lizina lyendi Njaleha,

³⁵ co Sheshane washombwesele munendi umo kuli Njaleha. Co vakele na mwana lizina lyendi Atai.

³⁶ Ou ukewo mukana wa naanga yakutunda kuli Atai kweta kuli Elishama. Atai wakitile Natane, Natane wakitile Zavande,

³⁷ Zavande wakitile Efelale, Efelale wakitile Ovende,

³⁸ Ovende wakitile Yehu, Yehu wakitile Azaliya,

³⁹ Azaliya wakitile Heleze, Heleze wakitile Eleyasa,

⁴⁰ Eleyasa wakitile Sisemai, Sisemai wakitile Shalume, Shalume wakitile Yekamiya,

⁴¹ Yekamiya wakitile Elishama.

Vatekulwila va Kalembi vakwavo

⁴² Vana va Kalembi ndolome ya Njelahamele, vapwile Mesha munendi wa ntwatwa. Co Mesha wapwile ishe ya Zife, Zife wapwile ishe ya Malesha, Malesha wapwile ishe ya Hevelone.

⁴³ Co Hevelone wakele na vana vawana mazina avo, Kola, na Tapuwa, na Lekeme, na Shema.

⁴⁴ Shema ikeye wapwile ishe ya Lahame na mutekulu wa Njolekeyame. Lekeme, ndolome ya Shema, ikeye wapwile ishe ya Shamai,

⁴⁵ Shamai wapwile ishe ya Maone, Maone wapwile ishe ya Mbetezule.

⁴⁶ Kalembi wakele na lishano lyendi lya mbanja lizina lyendi Efa, co wakitilileko vana vatatu mazina avo, Moza, na Ngazeze. Co Halane lalo wakele na mwana lizina lyendi Ngazeze.

⁴⁷ Vana va Njehendai vapwile vatanu na umo mazina avo, Lengeme, na Yotame, na Ngeshane, na Pelete, na Efa, na Shafe.

⁴⁸ Co Kalembi wakele lalo na lishano lyendi lya mbanja lizina lyendi Maka, co wakitilileko vana vavali mazina avo, Shevele, na Tilehana.

⁴⁹ Co lalo wakele na vana vavali mazina avo, Shafe, uje washimbikile limbo lya Mandemana. Na munendi Sheva, uje washimbikile membo a Makevena na Ngimbeya. Co lalo Kalembi wakele na mwana wa munakazi lizina lyendi Akesa.

⁵⁰ Ava vakevo vapwile vatekulwila va Kalembi. Hule ikeye mwana wa ntwatwa wa Kalembi kuli munakazi wendi Efaleta. Co muna Hule Shombale ikeye watungile limbo lya Kilyate Njelime,

⁵¹ munendi wamucivali Salema ikeye watungile limbo lya Mbetelehema, co munendi wamucitatu Halefe ikeye watungile limbo lya Mbetengandele.

⁵² Shombale, uje watungile limbo lya Kilyate Njelime, ikeye wapwile kukulwila ya vanu va ku Haloye, vapwile litambelo lya vaje vatungile ku Menuhote,

⁵³ co cikota ca vaje vakele mu Kilyate Njelime vapwile, vaItele, vaPute, na vaShuma, na vaMishela. (Co vanu va mu vinganda vya Zola na Eshetawole vapwile va ku cikota eci.)

⁵⁴ Salema ikeye watungile limbo lya Mbetelehema, wapwile kukulwila wa vaNetofate, na vaAtelote Mbete Yowave, na vaZoli, vaje vapwile vikota vivali vya vaManahete.

⁵⁵ Vikota vya vaka-vutongwe vwakusoneka nakunungulula mikanda vaje vakele muje mwimbo lya Njaveze vapwile, vaTilate, na vaShimeya, na vaSukati. Ava vapwile vaKeni vaje valyambatelele na vaLekave.