1 Mizimbu 1 - Livulu lya Shukulu Kalunga

Mukana wa mazina a vanu kushangumuka kuli Andama nakweta kuli Avilahama

¹ Andama wakitile Seta, Seta wakitile Enoshe, co Enoshe wakitile Kenani,

² Kenani wakitile Mahalalele, co Mahalalele wakitile Njalende,

³ Njalende wakitile Inoke, Inoke wakitile Matusela, Matusela wakitile Lameki,

⁴ Lameki wakitile Nowa. Co Nowa wakele na vana vendi vatatu va vanalume, Shemi, na Hama, na Njafete.

⁵ Vana va Njafete vapwile, Ngomele, na Mangonge, na Mandai, na Njavani, na Tuvale, na Meshake, na Tilase, ava vakevo vapwile vakukulwila va vanu vaje valilukile mazina avo,

⁶ vatekulwila va Ngomele vapwile, Ashekenaze, na Lifate, na Tongalema.

⁷ Co vatekulwila va Njavani vapwile vanu va ku Elisha, na Sipeini, na Sepulasi, na Londese.

⁸ Vana va Hama vapwile, Kushe, na Ingito, na Limbiya, na Kanana. Ava vakevo vapwile vakukulwila va vanu vaje valilukile mazina avo.

⁹ Vatekulwila va Kushe vapwile vanu va ku Semba na Havila, na Saveta, na Lama, na Seveteka. Co vatekulwila va Lama vapwile vanu va ku Shemba na Ndendane.

¹⁰ (Kushe wakele na munendi uje valukile Nimolonde, muka-kuhyana wakama wakulivanga mu lifuti.)

¹¹ Co vatekulwila va Ingito vapwile vanu va ku Lindiya, na Aname, na Lehave, na Nafetu,

¹² na Peteluse, na Kaselu, na Kelete, (kuje kuvatundile vaFilisitiya.)

¹³ Vana va Kanana vapwile, Sindone ikeye wapwile ntwatwa, na Hete vapwile vakukulwila va vanu vaje valilukile mazina avo.

¹⁴ Kanana wapwile lalo kukulwila wa vaNjevushi, na vaAmoli, na vaNgilengashi,

¹⁵ na vaHivi, na vaAleki, na va Sini,

¹⁶ na vaAlevandi, na vaZemali, na vaHamate.

¹⁷ Vana va Shemi vapwile, Elame, na Ashule, na Alepakeshande, na Lunde, na Alama, na Uza, na Hule, na Ngatale, na Meshake. Ava vakevo vapwile vakukulwila va vanu vaje valilukile mazina avo.

¹⁸ Alepakeshande wakitile Shela, uje wakitile Evele.

¹⁹ Co Evele wakele na vana vendi vavali, wakulivanga lizina lyendi Pelenge, omwo a simbu yendi akeo vanu va mu kaye valyangunukile, co mukwavo lizina lyendi Njokotane.

²⁰ Co vatekulwila va Njokotane vapwile vanu va ku Alemondande, na Shelefe, na Hazalemavete, na Njele, na

²¹ Handolame, na Uzale, na Ndikela,

²² na Evale, na Avimaele, na Shemba,

²³ na Ofile, na Havila, na Njombambe.

²⁴ Co naanga yavo kutunda kuli Shemi nakweta kuli Avilama mazina avo, Shemi, na Alepakeshande, na Shela,

²⁵ na Evele, na Pelenge, na Leu,

²⁶ na Selunge, na Nahole, na Tela,

²⁷ na Avilama (ikeye vene Avilahama.)

Vatekulwila va Ishimela

²⁸ Avilahama wakele na vana vavali vapwile Isake na Ishimela.

²⁹ Vana va Ishimela, vakevo vapwile vakulunu va miyati likumi na ivali, Nembayote (lyatundile ku lizina lya muna Ishimela wa ntwatwa,) na Kendale, na Andembele, na Mimbesamu,

³⁰ na Mishema, na Nduma, na Masa, na Handande, na Tema,

³¹ Na Njetule, na Nafishe, na Kendema.

³² Avilahama wakele na lishano lyendi lya mbanja lizina lyendi Ketula, ikeye wakitile vana vendi vatanu na umo mazina avo, Zimelane, na Njokeshane, na Mendane, na Mindyani, na Ishembeka, na Shuwa. Njokeshane wakele na vana vavali mazina avo, Shemba, na Ndendane.

³³ Mindyani wakele na vana vatanu mazina avo, Efa, na Efele, na Hanoki, na Ambinda, na Elenda.

Vatekulwila va Isau

³⁴ Co muna Avilahama Isake wakele na vana va vanalume vavali, Isau, na Yakomba.

³⁵ Vana va Isau va vanalume mazina avo, Elifaze, na Lewele, na Njeushe, na Njalame, na Kola.

³⁶ Elifaze ikeye wapwile kukulwila wa miyati eyi, Temane, na Omale, na Zefi, na Ngatame, na Kenaze, na Timuna, na Amaleke.

³⁷ Co Lewele ikeye wapwile kukulwila wa miyati ya Nahate, na Zela, na Shama, na Miza.

Vavenya lifuti lya Endome

³⁸ Vavenya lifuti lya Endome vatundile ku vana va vanalume va Seile vakevo ava,

³⁹ Lotane, ikeye wapwile kukulwila wa vikota vya Holi, na Homame. (Co Lotane wakele na ndokazi yendi lizina lyendi Timena.)

⁴⁰ Co Shombale, ikeye wapwile kukulwila wa vikota vya Alevane, na Manahete, na Evale, na Shefi, na Oname. Co Zimbeyone, ikeye wakele na vana vavali, mazina avo, Aiya,

⁴¹ na Ana. Ana wapwile ishe ya Ndishone, co Ndishone wapwile kukulwila wa vikota vya Hamelane, na Eshembane, na Itelane, na Kelane.

⁴² Ezele wapwile kukulwila wa vikota vya Mbilehane, na Zaavane, na Njaakane. Ndishane wapwile kukulwila ya vikota vya Uze na Alane.

Vimyene va Endome

⁴³ Ava vakevo vimyene vaje vashwanene mu lifuti lya Endome, te kanda kushwane mwene umo wa Isalele. Mbela muna Mbeole, nganda yendi yapwile Ndinihamba.

⁴⁴ Omo Mbela watsile, co Yohambe muna Zela wa ku lifuti lya vaTemane wamushwanene kupwa mwene.

⁴⁵ Omo Yohambe watsile, co Hushame wa ku lifuti lya vaTemane wamushwanene kupwa mwene.

⁴⁶ Omo Hushame watsile, co Handande muna Mbendande uje wafungulwile vaMindyani mu lifuti lya Mowavi wamushwanene kupwa mwene, co nganda yendi yapwile Avita.

⁴⁷ Omo Handande watsile, co Samela wa ku Maseleka wamushwanene kupwa mwene.

⁴⁸ Omo Samela watsile, co Shaulu wa ku Lehombote kuyehi na ndonga wamushwanene kupwa mwene.

⁴⁹ Omo Shaulu watsile, co Mbale-Hanane muna Akambole wamushwanene kupwa mwene.

⁵⁰ Omo Mbale-Hanane watsile, co Handande wamushwanene kupwa mwene. Nganda yendi yapwile Pau, co lizina lya munakazi wendi lyapwile Mahetambele muna Matelende wa munakazi, mutekulu wa Mezahambe.

⁵¹ Handande lalo watsile, vimyene va ku Endome vapwile Timuna, na Aleva, na Njeteta, na

⁵² Oholimbama, na Elahe, na Pinone,

⁵³ na Kenaze, na Temane, na Mimbazale,

⁵⁴ na Mangandiyele na Ilama. Ava vakevo vimyene va ku Endome.