Mazhev 9 - Aviel revé St. Maheu troeit é Brehonec Guénet 1858

PENNAD IX.

¹ Nezé ean e drézas gued ur vâ ger poull‐deur, hag e tas en é guær é‐unan.

² Ino e oé bet disgasset dehou ur paralitiq astennet ar é hulé. Jesus é huéled ou fé, e laras d’er paralitiq: Me mab hou péet fé, hou péhedeu e zou distollet t’oh.

³ Nezé ur ré benac ag en dud ag el lézen e laras doh t’hai ou hunan: En dén‐zé e lare er goal‐gouze.

⁴ Mæs Jesus péhani é hanaué hou chongeu, e laras tehai: Perac e chonget‐hui fall én hou caloneu?

⁵ Péhani é en æssan laret: Distollet e hou péhedeu, pé laret: Sàüet ha quêrhet?

⁶ Mæs eid ma houyehet en dès Mab Den ar en douar er guelloud de zistollein er péhedeu: Sàüet, e m’ean d’er paralitiq, douguet hou culé, ha quêrhet d’er guær.

⁷ Hag e sàüas, hag e yas d’é dy.

⁸ En dud é huéled quement‐cé, e chomas bâmet, hag e drugaréquas en Eutru Doué, péhani en doé reit d’en dud ur guelloud quer bras.

⁹ Jesus e huélas un dén azéet é ty en tausseu hanhuet Maheu, hag ean e laras tehou: Héliéet‐mé. Ean e sàüas hag en hélias.

¹⁰ Hag él ma oé Jesus doh taul é ty en dén‐zé, e tas ino hilleih a bublikèned hag a béherion péré hum laquas ehué doh taul, guet Jesus hag é zisciplèd.

¹¹ Hag er Pharisiénèd, é huélet quement‐cé e laras d’é zisciplèd: Perac é taibre hou Eutru guet publikéned ha guet péherion?

¹² Mæs Jesus ou hleuas hag e laras tehai: N’en dé quet er ré yah, mæs er ré clan en dès d’hobér a louzaouer.

¹³ Quêrhet‐enta, ha disquet petra e venne laret er honzeu‐men: guél é guet‐n‐eign en trugaré aveid er lahéreah; rac ne don quet deit de glasq er ré glan, mæs er béherion.

¹⁴ Nezé disciplèd Yehan e zas d’en gahout, én ul laret: Perac‐ni hag er Pharisiénèd e iunamp‐ni aliez, ha ne iunant quet hou disciplèd?

¹⁵ Ha Jesus e laras dehai: Bugalé er prièd hag hi e ell em glahari é‐pad éma er prièd guet hai? Mæs donnet e hrei déieu é péré e vou lamet a guet hai er prièd; ha nezé iunein e reint.

¹⁶ Dén ehué ne laqua en tam neuhé arh dillad couh; rac difframein e rehai darn ag en dillad, hag er rog e vehai goah.

¹⁷ Ha ne laquér quet guin nehué é listri couh; rac él‐cé er listri e dor, er guin e ride, hag el listri e zou collet; mæs laquat e hrér er guin neuhé é listri neuhé, hag e mirér en eil hag er guilé.

¹⁸ Pe laré quement‐cé dehai chetu ur pentiec e dostas dehou hag en adoras én ul laret; Eutru marhue é me merh, nen dès meit un herradicq, mæs deid, laqueit hou zourn arh‐n‐hi, hag hi e vihuou arré.

¹⁹ Jesus e sàüas quentéh hag e hélias en dén‐zé guet é zisciplèd.

²⁰ Ha chetu ur voés clan a houdé deuzêc vlai gued ur rid‐goaid e dostas tehou a ziardran, hag e laquas hi zeourn arh er pen‐pill ag é sei.

²¹ Rac hi e laré d’oh t’hi é unan: mar guellan laquat men dourn hemb quin arh é sei, me vou gùelleit.

²² Mæs Jesus e zistroas d’oh t’hi, én ul laret; Me merh hou peét fiance, hou fé en dès hou yahet; ha quentéh er voés‐cé e zas de vout yah.

²³ A pe tas Jesus é ty en pentiec, ha ma huélas ino sônnerion ha tud péré e gassé ur saffar blahoahus.

²⁴ Ean e laras tehai: Pelleit, rac er verh‐cé nen dé quet marhue, mæs consquet‐é. Hag ind e hré goab a nehou.

²⁵ Goudé ma oé bet casset en dud‐cé er mæz, Jesus e dostas d’er verh youancq‐cé, e groguas én é dourn, ha quentéh hi e sàüas.

²⁶ Hag er vrud a quement‐cé yas abén dré ol er vrô‐cé.

²⁷ Ha pe oé Jesus oeid quit ag er léh‐cé deu zén dall e hélias anehou, én ul laret: Mab David, hou péet truhé d’oh‐emb.

²⁸ Ha pe oé deid én ty, en dud dall dostas d’oh‐t‐hou, ha Jesus e laras tehai: Ha hui e gred e ellan‐mé ober quement‐cé? Ind e laras tehou: Ia, Eutru.

²⁹ Nezé, ean e laquas é deourn arh ou deu lagad, én ul laret: Revou groeit t’oh, revé hou fé.

³⁰ Hag ou deulegat e oé digueoret: Ha Jesus e zivenas d’oh‐t‐hai, én ul laret: Dihoallet ne houyou dén en dra‐zé.

³¹ Mæs er ré‐men pe oént oeit quit, e vrudas en drazé dré en ol vrô‐cé.

³² Hag él me oént de vonnet er mæz, chetu e oé digasset dehou un dén mud, dalhet guet ur droug‐sperèd.

³³ Ha goudé ma oé casset en droug‐sperèd er mæz, en dén mud e conzas; hag en dud e oé souéhet, hag e laré: Biscoah n’ès bet gùélet quement‐cé én Israël.

³⁴ Mæs er Pharisiénèd e laré: Dré bréns en droug‐sperèdeu ean e cass quit en droug‐sperèdeu.

³⁵ Ha Jesus e yé dré guærieu ha bourheu, hag e berdêgué, én hou synagogueu, en aviél a Ranteleah en Eutru Doué; ean e hré er yehaid de ol er ré elan, hag e hùellè ol clinhuédeu hag ol drougueu.

³⁶ E huélet en tolp tud‐cé en helié, Jesus en doé bet truhé doh‐t‐hai, rac ma oént scuéh ha ma oént gourvet arh en douar él devèd hemb bugul.

³⁷ Nezé e laras d’é zisciplèd: Un æst bras e zou, mæs n’en dès chet calz a vedérion.

³⁸ Pedet enta en Eutru ag er medéreah de zigasse vedérion de cherrein en æst.