Mazhev 8 - Aviel revé St. Maheu troeit é Brehonec Guénet 1858

PENNAD VIII.

¹ Goudé ma oé disquennet Jesus diar er manné, un tolp bras a dud en hélias.

² Nezé un dén lovre e dostas dehou ag en adoras, én ul laret: Eutru, mar câret, hui e ell gùellat d’eign.

³ Jesus e astennas é zourn, hag el laquas arh‐n‐hou én ul laret: Vennein e ran, revou gùelleit d’oh; ha quentéh ean e zas de voud yah.

⁴ Jesus e laras dehou: Dihoallet a gonze de zén a guement‐cé; mæs quêrhet d’hum ziscoein d’er vêlean, ha casset guet‐n‐oh er péh en dès Moïse gourhemenet, eit chervigein dehai de destoni.

⁵ Quentéh ma oé deid Jesus é Cafarnaum e tas d’er havouet ur hantenær péhani é hras dehou er beden‐men:

⁶ Eutru, mé mès ur méhuel clan gued ur paralisi, péhani e hra dehou droug blaouah.

⁷ Jesus e laras dehou: Me yei, ha me hùellei dehou.

⁸ Mæs er c’hantenær e laras: Eutru, ne zallan quet er boén ma tééhet ém zy; mæs laret hemb quin ur guir, hag e vou gùelleit d’emb méhuel.

⁹ Rac me zou un dén idan perh er réral, penaus benac ma mès idan on soudardèd, ha me lare de unan: Quêrhet duhont, hag ean e ya; ha d’un arall: Deid amen, hag ean e za; ha d’em méhuel: Groeit en dra‐zé, hag ean er groa.

¹⁰ Jesus souéhet d’oh er hleuét é conze él‐cé, e laras: M’el lare d’oh, é guirioné ne mès quet cavet ur fé quer bras é Israël.

¹¹ Ehué larein e ran d’oh, e tei hilleih ag er Sàüehiaul, hag ag er Huh‐hiaul, ag en devou léh é Ranteleah en Nean gued Abraham, Isaac, ha Jacob;

¹² Ha bugalé er ranteleah e vou taulet én tihoeldæt: inou é vou dareu ha tarhereah dènt.

¹³ Jesus e laras nezé dér c’hantenær‐hout: Quêrhet, ha revou groeit d’oh revé hou fé, ha quentéh e oé bet gùélleit d’é méhuel.

¹⁴ Ha pe zas Jesus de dy Pierre, e huélas é vamgær gourvet clan gued en derhian.

¹⁵ Hag ean e astennas é déourn arh‐n‐hi, hag en derhian e yas quit: hag hi e zàüas hag e campennas beptra aveid‐t’hai.

¹⁶ Hag ar drô en handerhue e oé disgasset dehou hilleih a dud dalhet guet en droug‐sperèdeu, hag ean e gassas quit er sperèdeu dré é guir, hag e yahas er ré ol e oé clan.

¹⁷ Aveid ma vehé laqueit de vout é guirioné er péh e oé bet laret gued er profæd Izaïas én ul laret: Queméret en dès é‐unan hun drougueu, had douguet en dés hur clinhuédeu.

¹⁸ Mæs Jesus pé en doé guélet hilleih a dud en drô dehou, e gourhemennas tremen en tu arall ag er poull‐deur.

¹⁹ Hag ur scrib péhani oé tost, e laras dehou: Eutru, monnet e rein arh‐hou‐lerh é peh léh benac ma hehet.

²⁰ Ha Jesus e laras dehou: El loarn en dès toulleu, hag einet en nean néhieu; mæs Mab en Den n’en dès quet er léh aveid harpein é ben.

²¹ Hag en arall ag er zisciplèd e laras dehou: Eutru, lausquet me monnet de guétan de laquat me zad en é bé.

²² Mæs Jesus e laras dehou: Heliet mé, ha lézet er ré varhue de laquat er ré varhue en ou vé.

²³ Ha Jesus e yas én ur vâg gued é zisciplèd.

²⁴ Mæs quentéh e sàüas arh er môr un avel quer rust, ma vezé goleit er vâg gued en houlenneu; ha neoah Jesus e gousqué.

²⁵ Nezé e zisciplèd e dostas dehou hag en dihousquas, én ul laret: Salvet‐ni, Eutru, é hamb de goll.

²⁶ Jesus e laras dehai: Perac en e hoès hui eun, tud hemb calz a fé? En ur sehuel nezé ean e hras d’en ahuél ha d’er môr teüel, ha quentéh e tas er haërran amzér.

²⁷ Souéhét bras oé bet er ré e oé ino, hag ind e larai: Péh dén‐é hennéh, er môr hag en ahuél e sénte doh‐t‐hou?

²⁸ Ha pe oé deit en tu arall d’en poull‐deur é brô er Jerasanèd, deu zén dalhet guet droug‐sperèdeu péré a zehé a ziar er béhieu, ha quen goal droug ne grédé dén trémen dré en hent‐zé, e ziambrougas anehou.

²⁹ Ha chetu ind hum laquas de huchal, én ul laret: Petra e zou étré ni ha hui, Jesus Mab Doué? Ha deid‐oh amen d’hun harassal araug en amzér?

³⁰ Mæs bout e oé tost doh‐t‐hai ino ur vanden vras a vôc’h de vouitad.

³¹ Hag en droug‐sperèdeu e bedas anehou, én ul laret: Mar caret hun casse quit, lézet hun monnet ér vanden môrc’h.

³² Hag ean e laras dehai, Quêrhet: ha pe oent oeid quit, ind e yé er vanden môrc’h: ha chetu en ol vanden môrc’h e ridas guet frouden a ziar er lué d’en dias er môr, hag e varhuas en deur.

³³ Nezé er vugulion en n’hum laquas de redec, ha pe oent oeid é kær, a larant pep‐tra, hag er péh e oé digoéhet d’er ré e oé dalhet guet en droug‐sperèdeu.

³⁴ Ha chetu ol dud kær e ziarbennas Jesus, hag arlerh en dout huélet anehou, ind e pedas anehou de bellat a zoh hou brô.