Mazhev 7 - Aviel revé St. Maheu troeit é Brehonec Guénet 1858

Pennad VII.

¹ Ne varnet quet, aveid ne vehéh quet barnet.

² Rac a zoh er varn e varnet e véhet varnet; hag a zoh er muzul er vuzulet, e voú muzulet t’oh.

³ Ha perag e sellet‐hui doh er blouzen én lagad hou vrér, ha ne huélet quet en treust e zou en hou hani?

⁴ Pé penaus e laret‐hui d’hou prér, Lausquet me lemel er blouzen a ziar hou lagad, ha chetu un treust e zou en hou hani?

⁵ Tud lan a gueùïér, tennet de quetan en treust a ziar hou lagad, ha nezé hui e huélou splan aveid lemel er blouzen a ziar er lagad hou prér.

⁶ Ne taulet quet en treu glan der châs, ha ne daulet quet hou perleu dirag er môrc’h; guet eun n’ind ou flastreint idan ou zreid, ha ne zistroeint inemp d’oh, aveid croguein arh‐n‐oh.

⁷ Goulennet, hag e vou reit d’oh; clasquet, ha hui e gavou; scoeit, hag e vou digueoret d’oh.

⁸ Rac quement hani e houlenne, e vou reit dehou; hag en hani e glasq e gave; ha d’en hani e sco e vou digueoret.

⁹ Pé pihue e en dén anoh‐hui, mar goulenne é vab bara, e hrei dehou ur mein?

¹⁰ Pé mar houlenne ur pésg, e hrei dehou un aër?

¹¹ Nezé enta, mar houyet hui, ha hui droug, rein treu mâd d’hou pugalé, peguement muioh hou Tad péhani e zou én Nean ne hrei‐ean treu mâd d’er ré e houlenne di guet hou?

¹² Groeit enta d’en dud er péh e garehé e rehènt d’oh: rac‐ino é‐ma el lézen hag er brofæted.

¹³ Quêrhet dré en ôr enk, rag ledan e en ôr, hag eon en hent e gasse d’er gollédigueah, ha bout e zou calz ag e ya dré ino:

¹⁴ Na enk e en ôr, ha moan en hent e gasse d’er vuhé; ha bout e zou nebed a dud ag e drémen dré ino!

¹⁵ Dihoalled doh er fall brofætèd, péré e za tremaoh guet crohen devèd, mæs péré, é guirioné, nen dint meit bleidi lontêc.

¹⁶ Hui hou hanàou doh ou obérieu. Ha cherrein e hrér resin diar spern, pe figuès diar dreign?

¹⁷ Peb guéen vad e zougue fréh vad, ha pep guéen fall e zougue fall fréh.

¹⁸ Ur huéen vad ne fehé quet dougue fall fréh, nag ur fall huéen dougue fréh vad.

¹⁹ Ne vern pé guéen ne zougue quet fréh vad, e vou trohet ha taulet én tan.

²⁰ Rac‐cé doh er fréh e zougueint, en hou hanàuehet.

²¹ Ol er ré e lare: Men Doué, men Doué, ne yeint quet de Ranteleah en Nean, mæs en hani a hra vennedigueah me Zad péhani zou én Nean, hennéh e yei de Ranteleah en Nean.

²² Hilleih e larou deign‐me en dé‐zé: Eutru, Eutru, ha n’hun nès ni quet diouganet en hou ç’hanhue? ha n’hun nès ni quet casset quit en droug‐sperèdeu en hou ç’hanhue? ha n’hun nès ni quet groeit calz a treu berhudus en hou ç’hanhue?

²³ Nezé e larein dehai: biscoah n’em ès hou hanâuet, quêrhet quit hui péré e hra fallanté.

²⁴ Rac‐cé pihue‐benac e gleu er péh e laran hag e hra revé mem conzeu, e vou haval doh en dén fur, péhani en dès sàüét é dy arh er roh;

²⁵ Hag er glàu e gouéhas, en deur e zas, hag en ahueleu e huéhas, hag e n’hum daulas arh en ty‐zé; hag en ty ne gouéhas quet, diarben me oé hrleuiet arh roh.

²⁶ Mæs quement hani e gleu er péh e laran ha ne hra quet revé mem conzeu, e vou groeit haval d’un dén disquiant péhani en dès sàüét é dy arh en treah;

²⁷ Hag er glàu e gouéhas, en deur e zas, hag en ahueleu e huéhas, hag e n’hum daulas arh en ty‐zé; hag en ty e gouéhas, ha bras é ma bet é ziscar.

²⁸ Ha pe en doé Jesus per‐laret er conzeu‐men, en dud‐zé e oé souèhet gued é guélen;

²⁹ Rac hou desquein e hrai él unan ag en dès er galloud, ha m’en hrai quet él er Scribed, ag er Pharisiénèd.