Mazhev 5 - Aviel revé St. Maheu troeit é Brehonec Guénet 1858

Pennad V.

¹ Jesus é huélet un nivéh tud doh en héli, e yas ar ur manné; hag azéas ino gued é zisciplèd tro‐ha‐tro dehou:

² Hag ean e zigueoras é guenneu, hag hum laquas d’ou quelein, én ul laret:

³ Eurus er ré berr a sperèd, rac Ranteleah en Nean e zou dehai.

⁴ Eurus er ré a galon vad, rac en douar a vuhé e vou dehai.

⁵ Eurus er ré e ouile, rac ind e vou disglaharet.

⁶ Eurus er ré en dès hoant ha séhet d’er santeleah, rac goalhet‐veint.

⁷ Eurus er ré trugarehus, rac ind e gavou trugaré.

⁸ Eurus er ré glan a galon, rac ind e huélou Doué.

⁹ Eurus er ré a‐beah, rac galhuet veint bugalé de Zoué.

¹⁰ Eurus er ré en dés de poéniat dré en arben ag er santeleah, rac Ranteleah en Nean e zou dehai.

¹¹ Hui e vou eurus a pe vehet ansquinet, goal‐casset, ha ma vou goal gonzet, é gueu, a han‐oh, dré en arben a me ç’hanhue.

¹² Hum laouénet nezé, ha beét lan a léuiné, rac bras e zou ou cobr én Nean; rac él‐cé me oé bet goal‐casset er brofædèd péré e zou bet én hou raug.

¹³ Hui e zou halèn en douar; mæs mar coll en halèn é nerh, gued petra e vou halènet? Nén dé mui mâd de nitra, meid de vout tauled er mæz, ha de vout mahet édan en treid en dud.

¹⁴ Hui e zou gouleu er bed. Ur gær sàüet arh úr manné ne ell quet bout cuhet.

¹⁵ Ha ne auzér quet un évlier aveid el laquat idan ur boezel, mæs el laquat re hrér arh er hantulér, aveid ma splannou de ol er ré e zou én ty.

¹⁶ El‐cé, rezei hou splander de sclerdérein en dud, aveid ma huéleint hou mad‐oberieüe, ha ma vêleint hou Tad péhani e zou én Nean.

¹⁷ Ne chonget quet é on deit aveit discar el lézen pé er brofædèd; N’on quet deid aveid discar, meid aveid laquat beptra de vout é guirioné.

¹⁸ Rac é guirioné el laran d’oh, Beté ma tremenei en Nean, hag en douar, ne dremenou quet a ziar er lézen un iota pé ur poentic, quênt ne vou beptra laqueit de vout é guirioné.

¹⁹ Pihue‐benac enta e dorou unan ag er bihanan ag er hourhemeneu‐men, hag e zisquou él‐cé d’en dud, e vou galhuet er bihanan é Ranteleah en Nean; mæs pihue‐benac hou héliou hag ou zisquou d’er ré rall, ean e vou galhuet bras é Ranteleah en Nean.

²⁰ M’el lare d’oh, ma n’en dé quet guell hou guirioné, eit hani er Pharisiénèd hag eu dud ag el lézen, ne yehet quet de Ranteleah en Nean.

²¹ Guéharall, el m’ar gouyet éma bet laret: Ne lahét quet, rac en nemb e lahou e vou varnet dré er varn.

²² Mæs m’el lare d’oh: En nemb e hum laquou én arfleu énep é vrér, e vou varnet dré el lézen; en nemb e larou d’é vrér, Raca, e you varnet dré el lézen, hag en nemb e larou dehou, pen‐scan, e vou varnet dré dan en Ihuern.

²³ Pe zehet de zal en autær eid gueniguein hou madeu, mar da chonge d’oh ino en en dès hou prér un dra benac én é galon énep t’oh;

²⁴ Lausquet hou madeu étal en autær, ha quêrhet de guetan d’hobér er peah guet hou prér, hag arlerh deit de gueniguein hou madeu.

²⁵ Hum laqueit rac‐tal de vad guet en n’hani e zou énep t’oh, epad e m’oh ér hænt quet hou; guet eun en dén‐zé péhani e zou énep t’oh, hou cassehé d’er barner, ha ne vehèh dalhet ér rangenneu.

²⁶ E guirioné e laran d’oh, ne yehet er mæz él‐cé, quênt ne vou distolet guet‐n‐oh en dehuéhan dinær.

²⁷ Cleued e hoès penaus e zou bet laret d’er ré gouh: Ne véès avoultr.

²⁸ Mæs m’el lare d’oh: Penaus quement hani hag e zell arh ur voés, guet hoant anehi, en dès guétan kaër groeit avoultriach guet hi, én é galon.

²⁹ Mar dé hou lagad déheu arben‐a‐lam aveid oh, tennet ean, ha taulet ean pell doh‐oh, rag guell e d’oh‐hui coll unan ag hou izili, ha ne vehèh quet tauled hou gorv ol én Ihuern.

³⁰ Ha ma ra hou zéourn déheu arben‐a‐lam d’oh‐hui, trohet ean, ha taulet ean pell doh‐oh, rac guell é d’oh coll unan ag hou izili, ha ne vehèh quet tauled hou gorv ol én Ihuern.

³¹ Laret e zou bet ehué: Pihue‐benac e gassou quit é prièd, reit dehou ur liher a distac.

³² Mæs me laran d’oh, Penaus pihue‐benac e gassou quit é prièd, nameit avoultr hi e vehé, el laqua devout avoultr; ha pihue‐benac e ziméiou gued ur voés casset quit, e ra avoultriach.

³³ Cleuet e hoès hoah penaus e m’a bet laret de ré gouh: Ne douïei guet énep d’er huirioné, mæs gobér e rei hou lé d’en Eutru Doué.

³⁴ Mæs me laran d’oh: Ne douïei, na dré en Nean, rac cadouér Doué é.

³⁵ Na dré en douar, rag scabel é dreid é; na dré Jerusalem, rac kær er Roué bras é.

³⁶ Na dré hou pèn, rac ne ellé quet gobér d’ur vleàuen bout guen pé zu.

³⁷ Mæs re vou hou lavar: Ia, ia, Nan, nan; rac quement a zou oh‐pen en dra‐zé e zou a zoh en droug.

³⁸ Cleuet e hoès penaus é ma bet laret: Lagad aveid lagad, ha dant aveid dant.

³⁹ Mæs me laran d’oh: Ne stourmet quet énep hani droug; mæs mar sco unan benac arh hou jod zéheu, tro a‐ben ehué en arall dehou.

⁴⁰ Ha mar fell de zén seüel trous doh‐oh, ha queméret en dés hou zé, lézet hoah hou zé vras guet‐hou.

⁴¹ Ha pihue‐benac e laquei anoh de valé ur leave guet hou, quêrhet deu.

⁴² Reit de neb e houlen digané; ha ne dro quet a zoh pihue‐benac e fell dehou quemérein digané.

⁴³ Cleuet e hoès penaus é ma bet laret: Carein e hrei hou nessan, hag e cazei en hani e zou énep t’oh.

⁴⁴ Mæs me laran d’oh: Caret en hani e zou énep t’oh, reit hou vennoh d’er ré e goall conze d’hoh; reit vad d’er ré e ra droug t’oh, ha d’er ré e zou énep t’oh.

⁴⁵ Aveid ma vehèh bugalé hou Tad péhani e zou én Nean, rag ean e ra d’en hiaul de seüel arh ré fall hag arh ré vad; hag e ra d’er glàu gouéhel arh ré divlam hag arh ré distruhé.

⁴⁶ Rac mar caret er ré hou car, péh gôbr hou pou hui? ha ne hrant quet er bublikénèd quement‐cé?

⁴⁷ Ha mar laret: Deuéh mad t’oh! d’hou vredér, petra ret hui dreist er ré rall? ha ne hrant guet ehué er bublikénèd él‐cé?

⁴⁸ Beah enta divlam, él me ma divlam hou Tad péhani e zou én Néan.