Mazhev 4 - Aviel revé St. Maheu troeit é Brehonec Guénet 1858

Pennad IV.

¹ Nezé er Sperèd‐Glan e gassas Jesus d’en distro eit ma vezé bet anzéet guet en diaul.

² Hag arleh en dout yunet deu‐uiguênd dé a deu‐uiguênd noz, e tas hoant dehou nezé.

³ Hag en diaul e dostas dehou, én ul laret: Mar d’oh Mab Doué, gourhemennet ma troei er mein‐men de vara.

⁴ Mæs Jesus e laras: Scrihuet‐é, Mab dén ne vihue quet hemb quin guet bara, mæs guet peb conze e za a vêg en Eutru Doué.

⁵ Nezé en diaul en dougas d’er gær santel, bet arh lein en Ty‐Doué.

⁶ Hag e laras dehou: Mar d’oh Mab Doué, hum daulet d’en dias: rac scrihuet‐é: Gourhemennet en dès Doué d’é Æled dihoallein doh‐oh, hag ind hou tougou én ou deourn guet eun ne zehé d’hou troèd scoein doh ur mein‐benac.

⁷ Jesus e laras dehou: Scrihuet‐é ehué: Ne anzéhet quet en Eutru hou Toué.

⁸ En diaul en dougas hoah arh lein ur manné ihuel: hag én ur ziscoein dehou ol er ranteleaheu ag er bed, gued ol ou vrastæd;

⁹ Hag ean laras dehou: Me rei d’oh ol en treu‐zé mar stouyet dirac‐on eit m’adorein.

¹⁰ Mæs Jesus e laras dehou: Pella, Satan, rac scrihuet‐é: Hui e adorou en Eutru hou Toué, ha ne chervigehet meit hou.

¹¹ Nezé en diaul el lausquas; ha quentéh, en Ælèd e dostas dehou eid er chervige.

¹² Mæs pe gleuas Jesus penauz e oé bet dalhet Yehan, en hum dennas én Galile;

¹³ Hag arlerh en doé en n’hum tennet a Nazareth, e tas de chome é Capharnaum, kær arvorec, tost de Zabulon ha Nephtali;

¹⁴ Aveid ma vezé laqueit de vout guir er péh e zou bet laret dré er Profæt Izaias, én ul laret;

¹⁵ Douar Zabulon ha douar Nephtali, arh hent er môr, en tu arall d’er Jourdan, Galile en dud a zianvés;

¹⁶ En dud péhani e oé azéet en devaleu, en dés guélet ur goulaouen bras, hag aveid er ré e oé azéet en brô ha tihoeldæt er marhue, er gouleu e zou sàüet.

¹⁷ Nezé Jesus e digueoras é vêg de berdêgue hag e laras: Hum troeit de zoué, rac Ranteleah en Nean e zou tost.

¹⁸ Jesus én ur valé é rible môr Galile e huélas deu vrér, Simon hanhuet Pierre, hag Andreu é vrér, péré é daulé ou rudeu ér môr; rac pesquètarion oént.

¹⁹ Hag ean e laras tehai: Deit guet‐n‐eign, ha me hrei a han‐oh pesquètarion tud.

²⁰ Quentéh ind e lausquas ou rudeu hag en hélias.

²¹ Jesus én ur monned pelloh, e huélas deu vrér arall, Jaq mab Zebede ha Yehan é vrér, péré e oé én ur vâg guet Zebede ou zad é auzein hou rudeu, hag ean ou galhuas.

²² Ha quentéh ind e lausquas er vâg hag ou zad hag en hélias.

²³ Ha Jesus e yas dré en ol Galile, de quelen én ou synagogueu, ha de berdêgue aviel er ranteleah, ha de yahat quement clinhuet, ha quement gouander, e oé é vésq en dud.

²⁴ Hag er vrûd a quement‐cé e yas dré en ol Syrie; hag en dud e tigassas dehou en ol ré clan, ré dalhet guet mar a clinhuet, guet mar a goallboén, hag er ré dalhet guet en droug‐sperèdeu, hag er ré lôvrec, hag er ré peluhet; hag ean e yahas anehai.

²⁵ Hag un nivéh bras a dud en hélias, a zoh er Galile, hag a zoh Zecapolis, hag a zoh Jerusalem, hag a zoh Jude, hag a zoh en‐tu‐hont d’er Jourdan.