Mazhev 28 - Aviel revé St. Maheu troeit é Brehonec Guénet 1858

Pennad XXVIII.

¹ Pe oé tremened er Sabbat, d’er hetan gouleu dé ag er suhun, Mari‐Madelen hag ur Vari aral e yas de huélet er bé.

² Nezé en douar e greinas, rac en Æl, aberh Doué, disquennet ag en Nean, e sàüas er mein hag e chouquas arh nehou.

³ E zrem e luguerné él ur vrogonen, hag é zillad e oé gùen él en éerh.

⁴ Mæs er soudarded e oé ino é goarn en doé bet quement a eun a nehou, ma chomezant hantér varhue.

⁵ Mæs en Æl e laras d’er merhèd: n’hou péet quet hui a eun, rac me houér é clasquet Jesus péhani e zou bet staguet arh er groéz.

⁶ N’en dé quet mui amen, rac sàüet e a varhue de vihue, el m’en doé laret; deid de huélet el léh ma oé bet laqueit hun Eutru.

⁷ Ha quêrhet bean de laret d’é zisciplèd penaus e ma sàüet a varhue de vihue; ha chetu ean e vou en hou raug é Galile; ino en er guélehet; chetu laret e mès d’oh.

⁸ Hag ind e yas bean er mæz ag er bé guet spont, hag ur lehuiné vras, hag ind e ridas de cassein en doairé d’en disciplèd.

⁹ Ha chetu Jesus e yas d’ou ziambrougein, én ul laret: Deuéh mad d’oh. Hag ind e dostas, hag e vriatas é dreid, hag en adoras.

¹⁰ Nezé Jesus e laras dehai: N’hou péet quet eun, quêrhet ha laret d’em bredér monnet é Galile; hag ino em gùélein e reint.

¹¹ Mæs pe oé oeit quit er ré‐men chetu un nivéh ag er vrezélision e tas é kær, hag e laras d’er Pen‐Vêlean quement e oé digoéhet.

¹² Hag er ré‐men hum dolpas guet er Ré‐Gouh ag en dud ha goudé en dout conzet étré‐z‐hai, e hras calz a argand d’er vrezélision.

¹³ En ul laret: Laret penaus e ma deid é zisciplèd épad en noz hag ou dés ean laëret, é‐queit ma oèh cousquet.

¹⁴ Hag é tehé d’er goarnour cleuein en dra‐zé, ni en dalhou dré gaër, hag hou zistaguou.

¹⁵ Hag ind e gueméras en argant; hag e hras él me oé bet laret tehai: hag er guir‐zé e oé brûdet, hag e bad hoah hinihue é vesq er Juived.

¹⁶ Mæs en unêc disciplèd e yas é Galile, arh er manné, arh péhani en doé Jesus gourhemennet dehai en hum gavouèt.

¹⁷ Ha pe zas dehai er gùélein, ind en adoras: mæs lod e oé in arvar.

¹⁸ Ha Jesus e dostas dehai hag e laras: En ol perh e zou bet reit t’eign én Nean hag arh en douar.

¹⁹ Quêrhet enta; quelenet en ol pobleu, ha badéetind é hanhue en Tad, hag er Mab, hag er Spèred‐Glan;

²⁰ Ha desquet tehai miret en ol gourhemenneu e mès reit t’oh. Hag él‐cé ehué on guet‐n‐oh bamdé bet en tu dehuéhan ag er bed.