Mazhev 25 - Aviel revé St. Maheu troeit é Brehonec Guénet 1858

Pennad XXV.

¹ Nezé Ranteleah en Nean e vou haval doh déc gùérhiès peré, goudé en dont auzet ou ç’évliérieu, e yas én arben d’en eu brièd.

² Mæs puemb a nehai e oé amoèd, ha puemb arall e oé fur.

³ Er ré amoèd e gueméras ou ç’évliérieu hemb quemér évle guet‐hai.

⁴ Mæs er ré fur én ur guemér ou ç’évliérieu e gueméras ehué évle én ou listri.

⁵ Hag él ne zé quet bean er prièd, ind e gouéhas én ur morgousquèd e zas quênt pell de vont ponnér.

⁶ Mæs ardrô creis noz e oé bet cleuet ur voéh é laret: Chetui er prièd é tonnet, quêrhet én arben dehou.

⁷ Quentéh ol er gùérhiésèd‐zé e sàüas, hag e auzas ou ç’évliérieu.

⁸ Hag er ré amoèd e laras d’er ré fur: Reit t’emb ag hou ç’évle, rac quênt pell é vou lahet en tan én hun évliérieu.

⁹ Mæs er ré fur e laras tehai: Gued eun n’hur behé quet erhoalh aveid omb hag aveid oh, quêrhet quêntoh de dy er varadision ha prenet guet‐hai.

¹⁰ Mæs épad ma yént de brenein e tas er prièd; hag er ré anehai e oé daré e yas quet‐hou é sal en æred, ha nezé e oé bet cherret en ôr.

¹¹ Neoah er gùérhiésèd arall e zas ehué, hag e laras: Eutru, Eutru, digueoret t’emb.

¹² Mæs er prièd e laras: M’el lare d’oh guet guirioné, n’hou ç’hanàuan quet.

¹³ Béet enta arh hou coard, rac ne houyet quet nag en dé nag en ær, é péhani e tei Mab en Dén.

¹⁴ Rac haval é zoh un den e yé d’ur vrô pell hag e galhuas é vehuélion hag e laquas é zanné étré hou deourn.

¹⁵ Ha de unan ean e hras puemb taland, d’un arall deu, unan hemb quin d’en drivèd, de beb unan revé é guelloud, hag e yas é hent quentéh.

¹⁶ Nezé en hani en doé digueméret er puemp taland e yas hag hou laquas é marhadeu, hag e hounias puemp arall.

¹⁷ En hani en doé digueméret den talant, e hras en haval dra, hag e hounias deu arall.

¹⁸ Mæs en hani en doé bet meid unan, e yas de grouizein en douar, hag e guhas ino argant é Eutru.

¹⁹ Pell goudé eutru er méhuél‐zé e zas en drô, hag e hras dehai dacor ou hont.

²⁰ Hag en hani en doé digueméret puemp taland e zas hag e zigassas puemp taland arall, én ul laret: Eutru, puemp taland hui hou poé laqueit étré men deourn, chetu hoah puemp arall e m’ès gouniet.

²¹ E eutru e laras dehou: Ervad, méhuel mad ha perhuéh, rac ma oh bet mad e treu distér, m’hou laquei ardro treu brassoh, quêrhet é léuiné hou ç’ eutru.

²² En hani en doé bet deu taland e zas ehué, hag e laras: Eutru, deu taland hui hou poé reit d’eign, chetu deu taland arall e m’ès gouniet orhpen.

²³ E eutru e laras dehou: Ervad, méhuel mad ha perhuéh dré ma oh bet mad arh treu distér, m’hou laquei ardrô treu brassoh, quêrhet é léuiné hou ç’ eutru.

²⁴ Mæs en hani en doé digueméret un taland hemb quin e zas ehué hag e laras: Eutru, gout e hran penaus é oh un dén didruhé péhani e véd é léh é péhani ne hoès chet hadet, ha péhani e tastum é léh ne hoès chet streàuet.

²⁵ Hag e tas eun t’eign, hag e m’ès cuhet hou taland én douar: chetu e ran d’oh en drô er péh ag e zou d’oh.

²⁶ Mæs é eutru e laras dehou: Méhuel fall ha didalvé, hui e houyé penaus e védan é léh e péhani ne m’ès chet hadet, ha penaus e tastuman é léh é péhani ne m’ès chet streàuet.

²⁷ Rac‐cé hui e telié rein me argant d’er varadision argant, hag a pe vehen deit, m’em dehé tennet me argant guet en dra benac orhpen.

²⁸ Lamet enta en taland a guet‐hou, ha reit ean d’en hani en dés dêc talant.

²⁹ Rac dé bep hani en dès e vou reit, hag en dou calz; mæs de nemb n’en dès chet, e vou lamet a guet‐hou er péh en dès.

³⁰ Ha taulet er méhuel didalvé‐ré én tihoéldæd a zianvés: Ino e vou clemmeu hirvoudus ha tarhereah‐dént.

³¹ Mæs pe zei Mab en Dén en é vrastæd hag en ol Æled guet hou, nezé ean e azéou ar gadoér é vrastæd.

³² Hag en ol bobleu e vou dastumet dirac‐t‐hou, hag ean e rannou en eil doh er guilé, él me ranne er bugul en devèd a zoh er gèvre.

³³ Hag ean e laquou en devèd a zéheu dehou, hag er gèvre a glei.

³⁴ Nezé er Roué e larou d’er ré e vou a zéheu dehou: Deid hui, re benniguet guet me Zad, bieuet er Ranteleah e zou bet stallet aveid oh a houdé crouédigueah er bed.

³⁵ Rac nan e m’ès bet, ha hui e hoès reit t’eign de zaibrein; séhet e m’ès bet, ha hui e hoès reit t’eign de ivein: hemp ty e oén, ha hui e hoès mé digueméret;

³⁶ Nuéh e oén, ha hui e hoès me gusquet; clan e oén, ha hui e zou deit d’em guélet; ér rangenneu e oén dalhet, ha hui e zou deit d’em gavouèt.

³⁷ Nezé er ré divlam e larou dehou: Eutru, pegourz hun nès‐ni hou huélet é gavouèt nan, hag hun nès reit de zaibrein d’oh; pé é gavouèt séhed, hag hun nès reit de ivein d’oh?

³⁸ Ha pegourz hun nès‐ni hou huélet hemb‐ty, hag hun nès hou digueméret; pé nuéh, hag hun nès hou huisquet?

³⁹ Ha pegourz hun nès‐ni hou huélet clan pé dalhet ér rangenneu, hag omp deid d’hou gavouèt?

⁴⁰ Hag er Roué e larou dehai: E guirioné e laran d’oh: dré ma hui e hoès groeit quement‐cé de unan ag er ré vihanan‐men a me vredér, hui e hoès groeit quement‐cé d’eign‐mé.

⁴¹ Nezé ean e larou ehué d’er ré e vou a zorn clei: Quêrhet quit, tud milliguet, quêrhet d’en tan padus de virhuiquin, péhani e zou bet auzet aveid en Diaul hag é Æled.

⁴² Rac nan e m’ès bet, ha hui ne hoès chet reit t’eign de zaibrein; séhet e m’ès bet, ha hui ne hoès chet reit t’eign de ivein.

⁴³ Hemp‐ty, e oén, ha hui ne m’ès chet digueméret; nuéh e oén, ha hui ne m’ès chet guisquet; clan on bet ha dalhet ér rangenneu, ha n’oh quet deit d’em gùélét.

⁴⁴ Nezé ind ehué e larou dehou: Eutru, pegourz hun nès‐ni hou guélet de gavouèt nan, pé séhed, pé hemb‐ty, pé nuëh, pé clan, pé dalhet ér rangenneu, ha n’hun nès chet groeit mad t’oh?

⁴⁵ Nezé ean e larou dehai: E guirioné m’el lare d’oh, penaus quement guéh ha hui n’hoès chet groeit quement‐zé é quéver unan ag er ré zistéran ag er ré‐men hui n’hoès chet é groeit ém héver.

⁴⁶ Hag er ré‐men e yei quit ér malloh padus de virhuiquin, mæs er ré divlam e yei ér vuhé padus de virhuiquin.