Mazhev 20 - Aviel revé St. Maheu troeit é Brehonec Guénet 1858

Pennad XX.

¹ Ranteleah en Nean e zou haval doh un pentiec péhani e yas a vitin mad d’hobér marhad guet gounidision a labourat é huiniêg.

² Arlerh en dout groeit marhad guet‐hai ag un dinær dré zéuéh, ean ou hassas d’é huiniêg.

³ Ean e yas er mæz ardrô en dairvèd ær hag él ma cavas ér dachen tud hemb labour, ean e laras dehai:

⁴ Quêrhet ehué d’em guiniêg, ha m’hou paiou él reih ha mad.

⁵ Hag ind e yas. Ean e yas er mæz arré ardro en huéhvèd ær, hag ardro en nàüvèd, hag ean e hras en haval dra.

⁶ Nezé, ean e yas er mæz arré ardro en unécvèd ær, hag él ma cavas hoah ér dachen tud hemb labour, ean e laras dehai: Perac é chomet‐hui a‐men de boéz abad en dé?

⁷ Ind e laras dehou n’ou doé quet cavet a zeuéh; hag ean e laras dehai: Quêrhet ehué d’em gùiniêg.

⁸ Denoz, en eutru‐zé e laras d’é vérer: Galhuet er hounidision ha paiet‐ind, én ur monnet dré er ré e zou deit dehuéhan bet er ré quetan.

⁹ Rac‐cé a pe hum ziscoas er ré e oé deit ardrô en unécvèd ær, ind e digueméras peb a zinær.

¹⁰ A pe oé deit tro er ré guetan, ind e chonjé e diguemérezent mui aveid er réral: mæs peb a zinær n’ou doé quet quin.

¹¹ Ha quement‐cé e hras dehai bourboutad inemb d’en pentiec.

¹² Én ul laret: Er ré‐zé e zou deit dehuéhan, n’ou dès labouret mæs en æriad, ha hui ou fai quement él omb‐ni peré e zou bet abad en dé él labour hag én tuemdér.

¹³ Mæs ean e laras de hunan anehai: me minon, me ran gueu erbet doh‐oh: ne hoès hui groeit marhad guet‐n’eign aveid un dinær dré zéuéh?

¹⁴ Quemeret er péh e za d’oh, hag hum dennet. Me falle d’eign rein d’en hani zou deit dehuéhan quement él d’oh.

¹⁵ Ne gavet‐hui é ellan gobér er péh e garan a me zreu? Ha déliet‐é d’hou lagad‐hui bout droug, rac ma on‐mé mad?

¹⁶ El‐cé er ré dehuéhan e vou er ré guetan, hag er ré guetan e vou er ré dehuéhan: rac paud e zou galhuet, mæs dibaud e zou difforhet.

¹⁷ Ha Jesus e yas de Jerusalem hag e gueméras a dû é zeuzec discipl, hag e laras dehai:

¹⁸ Chetu e hamb de Jerusalem, ha Mab en Dén e vou laqueit étré deourn er Pen‐Vêlean hag er Scribed, peré er varnou d’er marhue,

¹⁹ Hag el laquat e reint étré deourn er Gentiled aveid gobér goab anehou, aveid er foêtall hag aveid er staguein arh er groéz; hag en drivèd dé ean e sàüou a varhue de vihue.

²⁰ Nezé mam bugalé Zebede e dostas de Jesus guet hé deu vab, hag en adoras én ur houlen guet hou un dra.

²¹ Hag ean e laras tehi: Petra e houlennet‐hui? Groeit, emé hi, ma vou men deu vab, én hou ranteleah, azéet unan a zéheu d’oh, en arall a glei.

²² Mæs Jesus e laras tehi: Ne houyet quet petra, e houlennet ha hui e ellou ivèd er halice e ivein mé? Ya, emé ind, ni e ellou en ivèd.

²³ Guir é, emé Jesus, hui e ivou er halice e ivein; mæs eit bout azéet ag en tu déheu, pe ag en tu clei d’eign, n’en dé quet d’eign mé é er rein d’oh, en inour‐zé e vou reit d’er ré de beré en dès ean stallet me Zad.

²⁴ Ha pe gleuas en dêc arall, ind e rebréchas doh en deu vrér.

²⁵ Mæs Jesus hou galhuas dirac‐t‐hou, hag e laras: Gout e ret penaus er Penneu vras ag en dud en dès pérh arh‐nehai, ha penaus er ré guelloudec e ziscoua ou bili arh‐nehai.

²⁶ Ne vou quet él‐cé étré‐z’oh; mæs pihue‐benac e fellou dehou bout brassoh étré‐z‐oh, revou goah aveid oh.

²⁷ Ha pihue‐benac e fellou dehou bout er hetan arh‐anoh, revou sclav doh‐oh.

²⁸ El n’e quet deit Mab en Dén eit bout cherviget, mæs aveid chervigein, ha rein é vuhé aveid dasprena‐dureah calz a dud.

²⁹ Ha pe oent oeid quit a Jericho, un nivéh vras a dud e yas arh‐é‐lerh.

³⁰ Ha chetu deu zén dall, peré e oé azéet arh en hent, e gleuas penaus e tremené Jesus; hag en n’hum laquas de huchal, én ul laret: Eutru, Mab David, hou peèt truhé doh‐emb.

³¹ Hag en dud e gourdouzé anehai, eit ou laquat de tàuein, hag ind e huché hoah crihuoh, én ul laret: Eutru, Mab David, hou peèt truhé doh‐emb.

³² Ha Jesus e arzàüas, hou galhuas hag e laras dehai: Petra e fell d’oh ma rein aveid‐oh?

³³ Hag ind e laras dehou: Eutru, digueoret hun deulagad d’omp.

³⁴ Ha Jesus en doé truhé d’oh‐t‐hai, hag e laquas é zourn arh ou teulagad; ha quentéh ou teulagad e gavas er gouleu, hag ind e hélias anehou.