Mazhev 19 - Aviel revé St. Maheu troeit é Brehonec Guénet 1858

Pennad XIX.

¹ Ha p’en doé Jesus per‐laret er honzeu‐zé, ean e yas quit a Halile, hag e zas trema er vrô Jude, en tu arall d’er Jourdan.

² Hag un nivéh bras a dud e yas arh‐é‐lerh, hag ean hou yahas ino.

³ Ha Pharisiénèd e dostas dehou eid en anzéein, hag e laras tehou: hag ellein e hra un dén délézel é voés dré un arben benac?

⁴ Jesus e laras tehai: Ne hoès hui leinet, penaus en hani en dès crouéet Mab Dén, en tu quetan ag er bed, en dès ind crouéet dén ha moès!

⁵ Chetui perac, emé ean, é teli en dén délézel é dad hag é vam, hag hum staguein doh é brièd, hag a zeu ne reint meid ur hicg hemb‐quin.

⁶ Rac‐cé deusto men d’ind deu, ne hrant meid ur hicg hemb‐quin. Rac‐cé Mab Dén ne zeli quet disariein er péh en dès Doué ariet.

⁷ Ind e laras tehou: Perac enta Moïse en dès ean gourhemennet rein d’er voés ur lihér a zistac, hag hé bouttein quit?

⁸ Ean e laras; guir é: Moïse, dré en arben ag er galon didruhé e hoès, e gavas mad ma gasseheh quit hou croagué; mæs ne oé quet él‐cé oé ag er pén quetan.

⁹ Eid on mé, m’el lare d’oh: Pihue‐benac e lausq é voés, nameit ha ean vehé dré en arben ma hé dès péhed gued unan benac, hag e zimé gued un arall, e zou un avoultr; hag en hani e zimé d’ur voés distaguet él‐cé doh hé frièd e zou ehué un avoultr.

¹⁰ E zisciplèd e laras tehou: Mar dé él‐cé é stad un dén diméet, guél é bout hemb diméein.

¹¹ Jesus e laras tehai: En ol n’ind quet aveid gout er gonze‐men, n’en dès meit er ré en dès digueméret er vennoh‐zé quet Doué.

¹² Rac bout e zou tud spahuet, peré e zou ganet él‐cé a gorv ou mam; ha tud spahuet peré e zou bet spahuet gued en dud arall; ha bout e zou tud spahuet ag ou dès hum spahuet ou‐unan dré en arben ag er Ranteleah en Nean. Pihue‐benac e elle gout, houyéet.

¹³ Nezé digasset e oé bet bugalé de Jesus, eid m’en devezé laqueit é zeourn arh‐n‐hai ha pedet aveit hai; mæs é zisciplèd ou fellé én ur hourdous.

¹⁴ Jesus ag é dû e laras tehai: Lausquet er vugalégueu‐zé de zonnet, ha ne viret quet doh‐t‐hai a dostat t’eign, rac Ranteleah en Nean e zou d’er ré haval doh‐t‐hai.

¹⁵ Hag arlerh en dout laqueit é zéourn arh‐n‐hai, ean e yas é hent.

¹⁶ Unan ag er ré e oé ino, e dostas tehou hag e houlennas guet‐hou: Eutru Mad, petra e zelian mé gober eid en dout er vuhé padus de virhuiquin?

¹⁷ Jesus e laras: Perac e laret‐hui é on mad? N’en dès nameit Doué ag e zou mad. Hama, mar vennet monnet ér vuhé, miret er gourhemenneu.

¹⁸ Péré, e houlennas ean? Jesus e laras tehou: Ne véet lahér de zén erbet, ne véet quet lous, na laër, na fall test.

¹⁹ Hui e inourou hou tad hag hou mam, ha hui e garou hou nessan él oh hou ç’hunan.

²⁰ En dén youancq‐cé e laras tehou; Groeit e mès er péh e laret, ag eu oaid tinéran, petra e chome hoah guet‐n’eign d’hobér?

²¹ Jesus e laras: Mar vennet bout clôcq, quêrhet de huerhein er péh e hoès, ha hreit er briz anehai d’er beurerion: ha hui hou pou un trézol én Nean; hag arlerh quement‐cé, deit ha héliet mé.

²² Mæs pe gleuas en dén youancq‐cé er gonze‐zé, ean e yas quit goal‐glaharet, rac madeu bras en doé.

²³ Nezé Jesus e laras d’é zisciplèd: E guirioné, el laran d’oh, penaus e ma diæz d’un dén pinhuic monnet ér Ranteleah en Nean.

²⁴ Hag el laran d’oh hoah: Æzoh é d’ur hanval tremen dré graouen en nadoué, eid d’un dén pinhuic monnet ér Ranteleah en Nean.

²⁵ E zisciplèd én ur cleuein quement‐cé, e oé bâmet, hag e laras: Pihue enta e ell gobér é salvedigueah?

²⁶ Mæs Jesus e sellas doh‐t‐hai, hag e laras: Aveid en dud en dra‐zé e zou dihuellus; mæs aveid Doué peb tra e zou guellus.

²⁷ Nezé Pierre e laras de Jesus: Hui e huèle en hun nès lézet peb tra aveid hou ç’heli; péh gôbr hur bou ni enta?

²⁸ Jesus e laras dehai: E guirioné m’él lare doh: penaus hui peré e zou deid arh me lerh, pe zei en eil ganedigueah, a pe vou Mab en Den azéet arh er gadoér é vrastæd, hui e vou azéet ehué arh deuzec gadoér, ha hui e varnou en neuzêc tribu Israël.

²⁹ Ha pihue‐benac, dré garanté aveid on, e zilezei é dy, pé é vredér, pé é hoéréséd, pé é dad, pé é vam, pé é voés, pé é vugalé, pé é vadeu, en devou cand aveid unan hag er vuhé padus de virhuiquin.

³⁰ Nezé hilleih ag er ré guetan e vou er ré dehuéhan; hag er ré dehuéhan, er ré guetan.