Mazhev 17 - Aviel revé St. Maheu troeit é Brehonec Guénet 1858

Pennad XVII.

¹ Ha huéh zeuéh goudé, Jesus e gueméras guet‐hou Pierre, Jâq ha Yehan é vrér, ou hassas én ul léh distro, arh ur mané ihuel.

² Hag e hum ziscoas dirac‐t‐hai gronnet a sclærder; é zrem e zas de vout liguernus él en hiaul, hag é zillad de vout guen él en éerh.

³ Quentéh ind e huélas Moïse hag Eli é tevis guet‐hou.

⁴ Nezé Pierre e laras de Jesus: Eutru, mar caret é hamb de séhuel a‐men tair cohan, unan eid oh, unan eit Moïse, hag unan eid Eli.

⁵ Pe conzé oah, chetu e tas ur gogussen liguernus d’ou gronnein; hag e tas ag er gogussen ur voéh péhani e laras: Hennéh‐é me Mab muihan‐caret, guet‐hou é ma me ol lehuiné, cheleuet ean.

⁶ Diarben er honzeu‐zé, en disciplèd e gouéhas arh ou tâl doh en douar, guet er scont ou doé bet.

⁷ Mæs Jesus e dostas dehai, hag e laquas é zourn arh‐n‐hai, én ul laret: Sàüet, ha ne zoujet quet.

⁸ Quentéh ind e sàüas de sellet; mæs ne huélezant mui meit Jesus.

⁹ En ur zisquen diar er manné, Jesus e zihuennas dorh‐t‐hai a gonze de hani ag er péh ou doé guélet, bet que ne vezé sàüet Mab‐Dén a varhue de vihue.

¹⁰ Hag é zisciplèd e laras tehou: Perac enta e lare er Scribed penaus Eli e zéli donnet araug?

¹¹ Ha Jesus e laras tehai: Ia, Eli e zeli donnet, hag e laquou pep tra ér stâd quetan.

¹² Mæs el larein ehran d’oh: penaus Eli e zou deid abarh bremen, hag ind ou dès chet ean hanàuet, mæs groeit ou dès én é guéver él ind ou dès caret gobér, El‐cé ehué goal‐gassein e reint Mab Dén.

¹³ Nezé é zisciplèd e huélas penaus ean en doé conzet dehai a Yehan‐er‐Badéhour.

¹⁴ Ha pe oé deid é vesq en dud, e dostas dehou en dén péhani hum daulas arh ê zeulin dirac‐t‐hou, én ul laret: Eutru, hou péet truhé doh me vab péhani e zou loërec ha goal‐casset; rac a liez ean e gouéh én tân, ha marahuéh én deur.

¹⁵ Ha digasset e mès ean d’hou disciplèd, hag ind n’ou dès chet guellet en yahat.

¹⁶ Mæs Jesus e laras: Rumad‐tud scan a fé, ha lan a fallanté, pé veté quéit e vein‐mé guet‐n’oh: Pé veté quéit e vein‐mé goanvus a han‐oh? Digasset er pautr amen d’eign‐mé.

¹⁷ Ha Jesus e rebréchas en droug‐sperèd, hag er hassas quit; hag er pautr e oé gùelleit tehou arh en ær‐zé.

¹⁸ Nezé en disciplèd e tas de gavouèt Jesus a dû, hag ind e laras dehou: Perac ne hun nès chet ni ellet er hass quit?

¹⁹ Jesus e laras dehai: Diarben hou tisgredereah. Rac, é guirioné m’el lare d’oh: Mar hou pehé fé él ur granen zézeu, hui e larehé d’er mané‐zé: quêrhet d’en tu hont, hag hum tennein e rehé; ha nitra ne vehé dihuellus aveid‐oh.

²⁰ Mæs er er ré‐men, ne vé casset quit meid dré er beden ag er iun.

²¹ Mæs pe oent distroeit é Galile, Jesus e laras dehai: Mab en Dén e vou laqueit étré deourn en dud.

²² Hag ind e lahou anehou, hag en drivèd dé ean e sàüou e varhue de vihue. Hag en hum glahari e hrent calz.

²³ Ha pe oent deid é Cafarnaüm, er ré ag e zàüé en devér e dostas de Pierre, hag e laras dehou: Hou Eutru, ha ne baie quet ean en devér?

²⁴ Hag ean e laras: Ia: ha pe oé oeid én ty, Jesus en ziarbennas, én ul laret: Petra chonget‐hui, Simon? A zoh pihue e guemér rouéieu en douar en devér hag en tausseu? A zoh hou pugalé hemp quin, pe a zoh en dud a zianvez?

²⁵ Pierre e laras dehou: A zoh tud a zianvez. Jesus e laras dehou: Er vugalé enta e zou quit d’hou faiein?

²⁶ Neoah, guet eun ma hrehemb en arben‐a‐lanm dehai, quêrhet d’er môr ha taulet hou rudeu; hag er hétan pesq e vou sàüet ag en deur, queméret ean; ha p’hou pou digueoret é guenneu hui e gavei ur péh argant: Queméret er péh‐zé, ha reit ean dehai, aveid‐on hag aveid‐oh.