Mazhev 16 - Aviel revé St. Maheu troeit é Brehonec Guénet 1858

Pennad XVI.

¹ Ha nezé er Pharisiénèd hag er Saducénèd e dostas dehou aveid en anzéein; Ind e houlenas guet hou de ziscoein dehai un dra verhudus én Nean.

² Mæs ean e laras tehai: P’é ma deid en handerhue larein e hrér: Caër e vou en amzér, rac en hogus e zou ru.

³ Ha de vitin: Arnan e vou hinihue, rac en hogus e zou tihue ha ru.

⁴ Gout e ret enta hanàuein doairé en hogus; mæs ha ne ellehoh hanàuein en arrésieu en amzérieu? Er rumad‐tud fall hag avoultr‐men e glasq en dra berhudus; ha ne vou reit dehai meid berhud er profæt Jonas. Hag ean e lausquas anehai hag en hum dennas.

⁵ Ha pe oé deid é zisciplèd en tu rall, ind ou doé ancoheit cass bara guet hai.

⁶ Ha Jesus e laras dehai: Dihoallet ag er gouél er Pharisiénèd hag er Saducénèd.

⁷ Mæs ind e zevisas étré‐z‐hai, hag e laré: Dré n’hun nès quet queméret a vara, é ma.

⁸ Mæs Jesus péhani e houyé quement‐cé, e laras: Ind scan a fé, perac e gonzet‐hui étré‐z‐oh dré hui e n’hoès quet queméret a vara?

⁹ Ha ne huélet hui penaus pemp bara e zou bet erhoalh aveid pemp mil dén, ha péd panerad hoès‐hui casset guet‐n‐oh?

¹⁰ Ha penaus seih erhoalh aveid puar mil dén, ha péd questad hoès‐hui casset guet‐n‐oh?

¹¹ Perac ne huélet hui penaus ne m’ès chet conzet a vara d’oh, pe mès laret: Dihoallet ag er gouél er Pharisiénèd hag er Saducénèd.

¹² Nezé ind e huélas penaus ean n’en doé quet laret en hum dihoallein ag er gouél er bara, mæs a credein er Pharisiénèd hag er Saducénèd.

¹³ Nezé Jesus e zas trema Cesare a Philipp, hag e aterças é zisciplèd, én ul laret: Petra e larér a Vab en Dén?

¹⁴ Lod, emé‐ind, e lare é ma Yehan‐er‐Badéhour, lod arall Eli, lod Jeremi, pé unan benac ag er Brofætèd.

¹⁵ Mæs hui, emé Jesus, pihue e laret hui é on mé?

¹⁶ Simon Pierre e laras quentéh: Hui e zou er Hrouist, Mab en Doué bihue.

¹⁷ Nezé Jesus e laras dehou: Eurus oh, Pierre, mab Yehan: rac n’en dé quet er hicg nag er goaid en dès dèsquet t’oh quement‐cé, mæs me Zad péhani e zou én Nean.

¹⁸ Ha mé ehué me lare d’oh é oh Pierre, hag ar‐n‐oh, él arh ur roh, me zàüou me Ilis, ha doreu en Ihuern ne elleint nitra éneb tehi.

¹⁹ Ha me rei d’oh en alhuéieu a Ranteleah en Nean. Hag ol er péh e ariehet arh en douar, e vou ariet én Nean, hag ol er péh e ziariehet arh en douar, e vou diariet én Nean.

²⁰ Nezé ean e zivennas é zisciplèd larein de zén penaus e oé ean Jesus‐Chrouist.

²¹ A nezé Jesus hum laquas de ziscoein d’é zisciplèd penaus e oé ret tehou monnet de Jerusalem, ha bout goal‐casset dré er Ré‐Gouh ag en dud, hag er Scribed, hag er Pen‐Vêlean, bout lahet, ha distroeit a varhue de vihue en drivèd dé.

²² Ha Pierre er gueméras a dû, hag hum laquas d’en rebrechein, én ul laret: Eutru Doué, re virou; en dra‐zé ne zigoéhou quet guet‐n‐hoh.

²³ Nezé ean e zistroas hag e laras de Pierre: Pella, Satan; en arben‐a‐lam é ous d’eign; rac ne gavès quet mad er péh e za aberh Doué, mæs er péh e za aberh en dud.

²⁴ Nezé Jesus e laras d’é zisciplèd: En n’emb e venne me héli, e zeli nahein anehou é unan, dougue é groéz ha donnet arh me lerh.

²⁵ Rac en n’emb e vennou salvein é vuhé, er hollou; hag en nemb e gollou é vuhé dré en arben a me ç’hanhue, er havou.

²⁶ Rac de betra e talvehé d’un dén gounid er bed ol, mar da dehou col é inean? Pé petra e rei ean eit‐hi, mar da ag é holl?

²⁷ Rac Mab en Dén e zeli donnet lan a vrastæd é Dad, guet é Ælet, ha nezé ean e rei de beb‐unan revé é oberieu.

²⁸ E guirioné m’el lare d’oh: Bout e zou ré en hou vésq a‐men ag e ne danhuou quet er marhue, quênt n’hou dou guélet Mab en Dén én ur monnet én é Ranteleah.