Mazhev 15 - Aviel revé St. Maheu troeit é Brehonec Guénet 1858

Pennad XV.

¹ Nezé Scribed ha Pharisiénèd e zas a Jerusalem de gahouèt Jesus, én ul laret:

² Perac e torre hou disciplèd er hourhemenneu a guéneu hur gourdadieuyér? Rac ne holhant quet hou zeourn pe zaibrant bara.

³ Mæs ean e laras tehai: Perac hui e tremenet‐hui drest gourhemenneu Doué aveid gourhemenneu a guéneu hou gourdadieuyér? Rac Doué en dès laret:

⁴ Inour hou tad hag hou vam; hag ehué: Pihue‐benac e goal‐conzou guet é dad pé guet é vam e zeli bout laquet d’er marhue.

⁵ Mæs hui e lare: Pihue‐benac en dou laret d’é dad pé d’é vam: Peb rô e zei a han‐an, revou talvoudus d’oh.

⁶ Ha ne inorou guet é dad pé é vam: hag él‐cé hui e hoès laquet de vout didalvé gourhemenneu Doué aveid gourhemenneu a guéneu hou gourdadieuyér.

⁷ Tud lan a gueùïér, mad en dès Izaïas diouganet arh hou pén, én ul laret:

⁸ Er bobl‐zé e dostas doh‐t’eign guet hou guéneu, mæs hou halon e zou pell doh‐eign.

⁹ Mæs ne verna quet tehai de ziscoein inour d’eign, a pe desquant lézenneu ha gourhemenneu en dud.

¹⁰ Hag ean e galhuas en dud arh‐en‐drô dehou, hag e laras tehai: Cleuet ha houyet.

¹¹ Né quet er péh e ya ér héneu e houci en dén; mæs er péh e za er mæs ag er héneu, en dra‐zé e houci en dén.

¹² Nezé é zisciplèd e dostas hag e laras dehou: Ha gout e ret hui penaus er Pharisiénèd, péré cleuet ou dès er péh e hoès laret, en dès cavet arben‐a‐lam?

¹³ Mæs ean e laras: Quement planten ha ne vou quet plantet guet me Zad péhani e zou én Nean, e vou tennet ag en douar, hourien a rah.

¹⁴ Lausquet‐hai: charratigeon dall ind ag e gass tud dall; ha mar zei en dén dall de gass en dén dall, ind e gouéhei ér poull, hou deu.

¹⁵ Nezé Pierre e laras dehou: Dizolet d’emb er lavar‐cuhet‐zé.

¹⁶ Ha Jesus e laras: Ha bout é m’oh hui hoah hemp gout?

¹⁷ Ha ne houyet‐hui hoah, penaus quement e ya ér guéneu e zischenue ér horve, ha taulet er hrér él léh distrô.

¹⁸ Mæs en treu e ya er mæz ag er guéneu, e za ag er halon; hag er ré‐zé e houci en dén.

¹⁹ Rac ag er halon e ta er goal‐chonjeu, lahereah avoultriach, treu lous, laëronci, testoni fall, droug‐gonzereah.

²⁰ En treu‐zé e houci en dén; mæs daibrein hemp bout golhet é zeourn ne houci quet en dén.

²¹ Ha Jesus e yas guit ag er léh‐zé hag en hum dennas trema Tir ha Sidon.

²² Ha chetu ur voés a Ganaan ag e zé ag er vrô‐zé, en hum laquas de huchal, én ul laret: Eutru, mab David, hou péet truhé doh‐t’eign; me merh e zou goal‐casset gued un droug‐sperèd.

²³ Mæs ean ne zeuhanteras ur gùir dehi: Hag é zisciplèd e dostas, hag e bedas anehou, én ul laret: Casset‐hi quit, rac en hum glem e hra arh‐hunlerh.

²⁴ Hag ean e laras: N’on bet casset nameid trema en devèd collet a dy Israel.

²⁵ Nezé hi e dostas hag en adoras, én ul laret: Eutru, reit t’eign en nerh.

²⁶ Ha ean e laras dehi: Ne quet mad quemér bara er vugalé hag en durrel d’er châs bihan.

²⁷ Mæs hi e laras: Neoah er châs bihan e zaibre er creu e gouhe ag en daul hou eutruieu.

²⁸ Nezé Jesus e laras dehi: Moés, hou fé e zou bras; re vou groeit t’oh revé hou hoant; hag hi merh e oé yahet arh en ær‐zé.

²⁹ Ha Jesus en hum dennas a ino hag e zas trema en aud er vôr Galile; ha p’en doé crapet arh ur mané, ean e azéas ino.

³⁰ Hag un nivéh bras a dud e zas d’en gavouèt, hag e zigassas guet hai ré gam, ré dall, ré vud, ré mahignet, ha calz ré arall, hag ind hou laquas dirac é dreid, hag ean hou yahas ol.

³¹ Hag en dud e oé bâmet ha souéhet, én ur huélet penaus er vud e gonzé, er c’ham e quêrhé, en dall e huélé; hag ind e vêlé Doué Israel.

³² Nezé Jesus e galhuas é zisciplèd, hag e laras: Truhé e mès doh en dud‐zé, rac bout e zou tri dé m’en dint doh me héli, hemp en dout nitra de zaibrein; ha ne vennan quet ou daveiein él‐cé d’er guær arh iun, gued eun ne gouheint arh en hent.

³³ Hag é zisciplèd e laras dehou: Men e cavehembni él léh distro‐men erhoalh a vara eit goalhein quement a dud?

³⁴ Ha Jesus e houlennas guet‐hai: Péd bara en hoès hui? Seih, emé ind, hag en nebed pesquet.

³⁵ Hag ean e hourhemenas d’en dud azéein arh en douar.

³⁶ Hag e gueméras er seih baraen hag er pesquet, e drugaréquas en Eutru Doué, ou zorras a dameu, hag ou hras d’é, zisciplèd eit zannein étré en dud.

³⁷ Ol er ré e oé ino e zaibras enta hou goalh ha cherret e oé bet hoah seih pannerad lan ag én tameu e chomas arh ou lerh.

³⁸ Neoah bout e oé ino puar mil den, hemp niverein er vugaligueu hag er groagué.

³⁹ Ha Jesus ou daveias d’er guær, hag e binias en ur vâg, hag e yas trema en aud Magdala.