Mazhev 13 - Aviel revé St. Maheu troeit é Brehonec Guénet 1858

Pennad XIII.

¹ Mæs en dé‐zé, Jesus e yas er mæz ag en ty, hag azéas é‐tal er môr.

² Hag un nivéh bras a dud en hum zastumas arh é drô; hag ean e pinias arh ur vâg, hag e azéas ino; hag en ol dud e chomas arh en aut.

³ Hag ean e laras dehai hilleih a dreu dré lavar‐cuhet, én ul laret; Nezé ur hadér e yas er mæz de hadein.

⁴ Hag él me hadé, lôd ag en hâd e gouéhas a‐héd en hent; hag en eïnet e zas, hag er daibras.

⁵ Lôd arall e gouéhas é léhieu meïnec é peléh ne, gavé quet calz a zouar, hag e zàuas bean, rac n’en doé quet douar erhoalh.

⁶ Quentéh él me zàuas en hiaul, had e loscas, hag él n’en d’oé quet a hourien, e séhas.

⁷ Lôd arall e gouéhas é creis en dreign, hag en dreign e crescas arh’en drô guet hou, hag er vougas.

⁸ Ha lôd arall e gouéhas en douar mad, hag e zougas hilleih a fréh, cant eid unan, tri‐uiguent en arall, tregont en all.

⁹ E nemp en dés discoharn de cheleue, chelueuet.

¹⁰ Hag é zisciplèd e dostas, hag e laras dehou: Perac e conze‐t‐hui dehai dré lavar‐cuhet?

¹¹ Hag ean e laras dehai: Dré ma bet reit t’oh de hanàuein treu cuhet Ranteleah en Nean; mæs n’en d’é quet bet reit dehai.

¹² Rac pihue‐benac en dès, e vou reit dehou, hag en dou calz; mæs pihue‐benac n’en dès quet, e vou lamet a guet hou, memès er péh en dès.

¹³ Dré‐zé é ma e conzan doh‐t‐hai dré lavar‐cuhet, rac én ul huélet, ne huélant quet; hag én ur cleuein, ne gleuant, ha disquein ne hrant quet.

¹⁴ El‐cé é ma bet laquet de vout guir er diougan Izaias péhani e laras: Dré cheleuein, hui e gleuou, ha hui ne houyou quet; ha dré sellein, hui e sellou, ha hui ne huélou quet.

¹⁵ Rac calon en dud‐men e zou ponéret, hag ou discoharn e zou poner‐gleu; hag ou deulagad ind ou ès cherret, guet eun ne tehènt de huélet guet ou deulagad, de cleuet guet ou discoharn, de zesquein guet ou halon, ha ne zistroehènt, ha ne tehènt de vout yah.

¹⁶ Mæs eurus hou teulegad hui, dré ma huéleint; hag hou tiscoharn, dré ma cleueint.

¹⁷ Rac é guirioné e laran d’oh: Penaus hilleih a brofedæd hag a dud ouiziec en dès hoanted gùélet en treu e huélet, ha n’ind dès quet gùélet anehai; ha cleuet en treu e cleuet, hag ind ou n’en dès quet cleuet anehai.

¹⁸ Cleuet enta, hui, er lavar‐cuhet en hadér.

¹⁹ E nemb e gleu guir er Ranteleah, ha ne zisq quet anehou, e ta en droug hag e vougue er péh e zou bet hadet en é galon; hennéh e zou en hani ag en dès digueméret en had a‐héd en hent.

²⁰ Hag en hani, en dès digueméret en had é léhieu meinec, hennéh e zou en hani e cheleue doh er guir, hag en diguemér quentéh guet leuhiné.

²¹ Neoah n’en dès quet a hourien én ean é‐unan: ha n’é ma meit aveid un tam amzér; rac pe zei trebilleu, pé gloés, dré en arben ag er guir, quentéh e gave un arben‐a‐lam.

²² Hag en hani en dès digueméret en had é vesq en dreign, hennéh e zou en hani ag e cheleue doh er guir; ha préder er bed‐men ha lobereah er madeu e vougue er guir, hag en laqua de vout diffréh.

²³ Mæs en hani en dès digueméret en had én douar mad, hennéh e zou en hani ag e cheleuou doh er guir, hag en tesquou, hag e zigassou fréh ag e hrei darn cant quément arall, darn tri‐uiguént, darn trégont.

²⁴ Jesus e laras d’en dud er lavar‐cuhet‐men: Ranteleah en Nean e zou haval doh un dén péhani en doé hadet éd mad én é barq.

²⁵ Mæs étré ma oé cousquet é zud, e tas é énébour hag e hadas fall lezeu é mesq er gùénéh, hag arléh ean e yas d’é hent.

²⁶ A pe zas d’en éd‐cé cresquein, ha touésadein, é oé bet guélet er fal lezeu.

²⁷ Nezé méhuélion en pentiec e zas d’er havouet hag e laras dehou: Eutru, n’en dé éd mad e hoès hadet én hou parq? Perac enta é hés fall lezeu én hou mesq?

²⁸ Ah! e laras ean, Un den fall en dès‐ind hadet. Mar caret, e laras é méhuélion, é hamb d’ou zennein.

²⁹ Naren e m’ean, Guet eun én ur dennein er fal lezeu, ne dennehoh éhué er gùénéh.

³⁰ Lausquet‐ind de gresquein bet er védereah, ha nezé me larou d’er véderion: Cherret de guetan er fall lezeu, hag arriet‐ind a fesquenneu eid ou losquein; mæs dastumet er gùénéh ém zulér.

³¹ Jesus e laras d’en dud en helié er lavar‐cuhet‐men: Ranteleah en Nean e zou haval doh ur gran sezô, en dès un dén hadet én é barq?

³² N’en dès had erbet distérroh eid hennéh; ha neoah, a pe vé cresquet, é vé brassoh ér liorheu eid el lezeu arall, hag é ta de vout ur huéen son erhoall eit derhiel er clomet de zischuéh arh é bareu.

³³ Ean e laras hoah dehai ur lavar‐cuhet arall: Ranteleah en Nean, e mé‐ean, e zou haval doh un tam gouél e guemér ur voés hag er haige é mesq tri musuliad bleud, bet que ne vé gôet bloh.

³⁴ Jesus e laras ol en treu‐zé d’en dud é lavar‐cuhet, ha ne gonzé quet doh‐t‐hai hemp lavar‐cuhet.

³⁵ Eit ma vezé bet laquet de vout guir er honzeu‐men ag er Profæt: Me gonzou é lavar‐cuhet, ha me zizolei treu e zou bet cuhet a houdé ma bet crouéed er bed.

³⁶ Nezé Jesus e cassas quit en dud hag e zas én ty; hag é zisciplèd dostas dehou hag e laras: Dizolet d’hemp er lavar‐cuhet ag er fall lezeu ér parq.

³⁷ Hag ean e laras dehai: En hani ag e had hâd mad é zou Mab en Dén;

³⁸ Mæs er parq e zou er bed: en hâd mad e zou bugalé er Ranteleah; hag er fall lezeu e zou er vugalé droug;

³⁹ Mæs en énébour en dès hadet er lezeu, é ma en diaul; er védereah e ma en tu dehuéhan ag er bed; hag er véderion, en Æled.

⁴⁰ El enta me zastumér er lezeu fall, ha taulér anehai én tan, él‐cé e digoéhou en tu dehuéhan ag er bed.

⁴¹ Mab en Dén e gassou é Æled, peré e laquei er mæz ag er Ranteleah en ol arbenneu‐a‐lam, hag er ré e hra fallanté.

⁴² Hag ind ou zaulou ér forn‐tan, ino e vou dareu ha tarhereah‐dènt.

⁴³ Nezé en dud ouiziec a luguernou él en hiaul, én Ranteleah ou Zad. Enemb en dès discoharn de cheleue, cheleuet.

⁴⁴ Ranteleah en Nean e zou haval doh un trézol cuhet én ur parq: E nemb er have, er huhe, hag e ya guet léhuiné de huerhein ol er péh en dès aveid prenein er parq‐cé.

⁴⁵ Ranteleah en Nean e zou ehué haval doh ur marhadour e glasq perleu caër.

⁴⁶ Hag a p’en dès cavet unan benac talvoudus vras, ean e huerhe ol er péh en dès, hag e ya d’hi frenein.

⁴⁷ Ranteleah en Nean e zou hoah haval doh ur rude e daulér ér mor, hag e zalhe peb rumad pesquèd.

⁴⁸ A p’en dé lan, er besquètarion en tenne ér mæz, e azé én aud, e zifforh er ré vad doh er ré fall, hag er ré‐men zou taulet er môr.

⁴⁹ El‐cé é vou ehué en tu dehuéhan ag er bed: En Æled e zei de zifforh er ré fall doh er ré vad.

⁵⁰ Hag ind ou zaulou ér forn‐tan, ino e vou dareu ha tarhereah‐dènt.

⁵¹ Ha gout mad e hret hui er péh e laran? Ya, Eutru, emé ind.

⁵² Ha Jesus a laras hoah: Pihue‐benac e zou dén ag er lézen, hag en dès hanàuadigueah a zivout Ranteleah Doué, e zou haval doh un pentiec péhani e denne ag é drézol madeu couh ha madeu nehué.

⁵³ Ha p’en doé Jesus laret er lavar‐cuhet‐sé, e yas quit ag er léh‐sé.

⁵⁴ Ha goudé bout deid en é vro, e tesqué anehai en ou synagogueu, hag en dud e oé souéhet, hag e laré: A be ban e ma deid d’en dén‐men er furnæz‐zé, ha quement a guelloud?

⁵⁵ Ha n’en d’é quet hinnéh mab ur halvé? Ha ne galhuér quet é vam Marie, hag é vreder Jacq, ha Jojeb, ha Simon, ha Judas?

⁵⁶ Hag é hoérset, ha n’émand ind ol en hou vésq? A beban enta e tei en ol treu‐zé guet hennan?

⁵⁷ Hag ind e gavas tamal arh‐nehou. Mæs Jesus e laras dehai: Er profæd n’en dé quet hemb hanhue mad, nemeid en é vrô, hag en é dy.

⁵⁸ Ha ne hras quet ino calz a vurhudeu, diarben d’hou zigrédereah.