Mazhev 12 - Aviel revé St. Maheu troeit é Brehonec Guénet 1858

Pennad XII.

¹ En amzér‐zé Jesus e drémené dré ur park èd, én dé ag er Sabbat; hag é zisciplèd péhani en doé hoant, en n’hum laquas de dennein tamoezeneu éd, ha d’en daibrein.

² Mæs er Pharisiénèd péhani e huélas quément‐cé, e laras dehou: Chetu hou zisciplèd e hra er péh ne zeli quet un dén gober én dé ag er Sabbat.

³ Mæs ean e laras tehai: Ne hoès hui leinet er péh e hras David, pé en doé hoant, hag er ré e oé guet hou.

⁴ Penaus ean e yas en Ty‐Doué, hag e taibras en torheu bara hloëstret, péré ne oé deliet ou daibrein na dehou, na d’er ré e oé guet hou, nameid d’er vêlean guin?

⁵ Pé ne hoès hui leinet el lézen, penaus én déieu er Sabbat, er vêlean e dorr er Sabbat én Ty‐Doué, hag ind divlam.

⁶ Mæs m’el‐lare d’oh, penaus hui e hoès a‐men unan ag e zou brassoh eid en Ty‐Doué.

⁷ Mæs mar gout e rehoh petra zou de vout laret dré en dra men: Trugaré a fell d’eign, ha né quet el lahereah lonet, n’hou pehé quet barnet er ré n’int quet cablus.

⁸ Rac Mab en Dén e zou en Eutru, ehué én dé ag er Sabbat.

⁹ Ha pe oé oeid quit ag en dachen‐zé, e tas én ou synagogue.

¹⁰ Ha chetu e oé ino un dén péhani en doé un deourn diséhet, hag ind e houlenas dehou, aveid ma hellehent en damal, mar doé mad yahat én déieu er Sabbat?

¹¹ Hag ean e laras tehai: Pé zén anoh‐hui, péhani en dehé un pen‐davad, hag e véhé couéhet én ur poull, én dé er Sabbat, ne groguehé quet én hi d’en tennein ha d’en sehuel?

¹² Na, pé guement mui‐oh e talve un dén aveid un pen‐davad? Dré‐zé e heller gober vad én déieu er Sabbat.

¹³ Nezé e laras d’en dén: Astennet hou zeourn; hag ean en astennas, hag e tas yiah él er guilé.

¹⁴ Nezé er Pharisiénèd e yas quit hag en hum guhulias inemp t’hou, aveid gout penaus en collein e rehènt.

¹⁵ Mæs Jesus, péhani, houyé en dra‐zé, en hum dennas ag er léh‐zé, hag hilleih a dud e yas arh é lerh, hag ean e yahas ol.

¹⁶ Hag ean e hourhemennas dehai ne vrudehènt quet quément‐cé.

¹⁷ Aveid ma vezé sévennet er péh e zou bet laret dré er profæd Izaias, én ul laret:

¹⁸ Chetu me mab, péhani e mès difforhet: me muian‐caret, é péhani e m’ès laquet ol me garanté: laquat e rein me sperèd ar‐n‐hou, hag ean e vrudou er Ranteleah Doué, é vesq en dud.

¹⁹ Ne temalou quet, ne huidalou quet; ha dén ne gleuou é vouéh ér henteu.

²⁰ Ne dorrou quet er gorzen discarret, ha ne vouguou quet er boulcheu e hra moguet, quênt en dou laquet er varn de zerhiel.

²¹ Hag en dud en dou fé en é hanhue.

²² Nezé e oé digasset dehou un den dalhet guet en droug‐sperèd dall ha mud, hag ean e yahas anehou: hag en dén dall ha mud e gonzas hag e huélas.

²³ Hag en ol dud e oé souéhet bras, hag ind e laras: Ha ne quet ean Mab David?

²⁴ Mæs er Pharisiénèd, p’ind e gleuhas quément‐cé, e laras: En dén‐zé ne gass quit en droug‐sperèdeu, meid dré Velsébuth, roué en droug‐sperèdeu.

²⁵ Mæs Jesus péhani hanàué hou chonjeu, e laras tehai: Peb ranteleah quévrennet a‐inemp é hunan, e vou dismantet; ha peb kær pé dy quévrennet a‐inemp é hunan, ne badou quet en é zàüe?

²⁶ Ha ma za Satan de gasse Satan quit, quévrennet é ma a‐inemp é hunan, penaus enta e badou é ranteleah én é zàüe?

²⁷ Ha mar cassan quit en droug‐sperèdeu dré Vel‐sébuth, dré bihue hou hasse quit hou pugalé? Rac‐cé e vehènt hou varnerion.

²⁸ Mæs mar cassan quit en droug‐sperèdeu dré Sperèd‐Doué, nezé ranteleah Doué é ma deid devad‐oh.

²⁹ Pé penaus e hell unan benag monnet én ty en dén crihue, ha piliad é vadeu, meid de guetan en en dès ariet en dén crihue? ha nezé e brêhuou é dy.

³⁰ Nemp n’éma quet guet‐n‐eign, e zou a‐inemp d’eign; ha nemp ne zastum quet guet‐n‐eign, e zismant.

³¹ Dré en arben ag en dra‐zé, m’el lare d’oh: Penaus péb péhèd ha péb goal‐gonz touïet e vou distollet d’en dud; mæs péb goal‐gonz touïet a‐inemp er Sperèd‐Glan ne vou quet distollet d’en dud.

³² Ha pihue‐benac en dou laret ur gonz a‐inemp Mab en Dén e vou distollet dehou; mæs pihue‐benac en dou gonzet a‐inemp er Sperèd‐Glan ne vou quet distollet dehou, hag er béd‐men, nag er béd de zont.

³³ Péb guéen vad e zougue fréh vad, ha péb guéen fall e zougue fall fréh; rac‐cé doh er fréh e zougueint, hou hanàuein e rehet.

³⁴ Rumad‐aëron, penaus e hellet‐hui larein treu mad, ha hui tud fall? Rac a ziar er lænder er galon e gonz er héneu.

³⁵ En dén mad e denn treu mad a ziar en trézol mad a é galon: hag en dén fall e denn treu fall a ziar en trézol fall.

³⁶ Mæs m’el lare d’oh, penaus en dud, én dé er varn, e vou varnet diarben a guément guir didalvé ind hou dou laret.

³⁷ Rac dré hou guirieu, didamallet‐vehet, ha dré hou guirieu, tamallet‐vehet.

³⁸ Nezé er ré benac ag er Scribèd hag ag er Pharisiénèd e laras: Eutru, hoantein e hramp de huélet en dra berhudus groeit guet‐n’oh‐hui.

³⁹ Mæs ean e laras tehai: Er rumad‐tud droug hag avoultr‐zé e houlenn un dra berhudus; ha ne vou quet reit dehai tra berhudus ebed, istroh eid burhud er profæt Jonas.

⁴⁰ Rac él me oé Jonas tri zeuérh ha tair nozeoh ér gorv er pésq bras, él‐cé e vou Mab en Dén tri zeuérh ha tair nozeoh é calon en douar.

⁴¹ Tud Ninive e zàüou, é dé er varn, guet er Rumad‐tud‐men, hag hou tamallein e reint, dré ma quæ ind ou dès bet én ou galonneu, goudé en doé Jonas perdéguet; ha chetu a‐men muioh aveid Jonas.

⁴² Er rouanés ag er hreisté e zàüou er varn guet er rumad‐tud‐men, hag e tamallou anehai, dré ma deit a ziarbell, de cleuein furnæz Salomon: ha chetu a‐men muioh aveid Salomon.

⁴³ Pe vé oeid quit er sperèd‐louz a ziabarh un dén, ean e valé dré léhieu séh, én ur clasquein couar, ha n’er have quet.

⁴⁴ Nezé e lare: Distroein e rein arré d’ém zy, a béhani é‐on deit: ha goudé distroeit en dès, ean e gave en ty goulihue, scupet ha campennet.

⁴⁵ Nezé monnet e hra, hag e guemér guet hou seih sperèd arall goahoh aveid hou; hag goudé bout oeid én ty, ind e choume ino; hag en eil stad ag en dén‐men e zou goahoh aveid er guilé. El‐cé e digoéhou d’er rumad‐tud fall‐men.

⁴⁶ Ha pe conzé hoah d’oh en dud, chetu é vam hag é vredér e oé er mæz, hag ind e elasqué de conz tehou.

⁴⁷ Nezé unan benac e laras tehou: Chetu hou vam hag ou vredér e zou er mæz, hag e houlenne de conz do‐hoh.

⁴⁸ Mæs ean e laras d’en hani en doé conzet dehou; pihue é me mam, ha pihue é mem bredér?

⁴⁹ Hag ean astennas é zéourn arh é zisciplèd, hag e laras: Chetu me mam ha mem bredér.

⁵⁰ Rac pihue‐benac e hra pé en dès hourhemennet me zad péhani e zou en nean, hinnéh e zou mem brèr ha me hoèr, ha me mam.