YOSUWA 15 - BIBALDA TA PELDETTA

Nagata ta vuli mi jafna vi Yuda

¹ Nagata ta vuli mi jafna vi gurona vi Yuda, kuɗ vuɗna visiya visiya, fokay hay jaara vi Edom hay fulda vi Sin, hay gal kayami, kulo hay dabta vi liy ma kayamna.

² Ki kayn nala, jaara visi ma gal kayamna fokay hay sin niy-lumna ma mandana pa, hay vunam ma kayamna ma ka vok Negeb pa.

³ Nam co tam liyn ma gal kayamna vi liy ma jik kulona vi Akrabim, jikis hay Sin pa, co hay gal ma kayamna vi Kades-Barneya; nam jikis ɗawni kal Hesron, co gal Addar, cap ŋuy goy hay Karka'a;

⁴ bugolda nam jik hay Asmon ta-ta co goy tam niy-ma-riŋŋa vi Egipte, jaara co tam niy-lumna. Kayni ma li mi vun-nagata vigiya ma gal kayamna.

⁵ Hay gal ma kuɗuwna, jaara vigiya ma lin mi niy-lum ma Mandana ta-ta tam vun Yordan ma kus hay niy-lumna. Hay gal ma gaana jaara fokay hay sin niy-lumna ta-ta vun Yordan.

⁶ Nam jikay hay Bet-Hogla, jik gal gaa'a vi Bet-Araba, kal ta-ta kulo kat hiɗiyta vi Bohan, goora vi Ruben;

⁷ jaara fokay hay Debir, hay lokŋa vi Akor, kal hay gal gaa'a, hay gal Gilgal, ta ka ɗiger vok liyn ma jik kulona vi Adumim, hay gal ma kayamna vi niy-ma-riŋŋa. Nam jik goboyo hiɗi goloŋayna vi Eyin-Semes, vunam dab goy tam Eyin-Rogel.

⁸ Jaara fokis ɗawni hay lokŋa vi Ben-Hinnom, hay gal ma kayamna vi Yebus, ta ya' Yerusalem, bugolda nam jik kulo kay yam hiɗiyta ta ka vok lokŋa vi Hinnom, hay gal ma vulatina, hiɗi vun lokŋa ma vatayna vi sa Refayimna, hay gal ma gaana.

⁹ Hay yam hiɗiyta, jaara jik ta-ta tam niy-ma-riŋŋa vi Neftowa, cap vokomu kat hoyok-ziyna ma kay hiɗiyta vi Efron, cap jik kat Baala, ta ya' ala Kiryat-Yeyarim.

¹⁰ Hay Baala pa, jaara ŋuy hay gal ma vulatina kat hiɗiyta vi Seyir, jik hay gal ma gaana vi hiɗiyta vi Yeyarim, -- Kayni ti Kesalon -- nam jik hay Bet-Semes, cap hay Timna.

¹¹ Nam jik hay gal ma gaana vi Ekron, cap vokomu hay Sikron, jik kat hiɗiyta vi Baala, co goy kat Yabneel, cap goy kel niy-lum ma ŋolla.

¹² Jaara ma gal vulatina nam mi niy-lumna ma ŋolla hiɗi deŋella valamu, hay galam kaf nam hini mi jaara vi gurona vi Yuda, kuɗ vuɗna visiya.

¹³ Kaleb goora vi Yefune, nisi vulum galla valamu jar gurona vi Yuda, ki ma Ma-vatɗina vul hagata tam Yosuwa nala. Kiryat-Arba ta ya' Hebron. Arba kayni mi bum Anak.

¹⁴ Kaleb kol kay gurona vi Anak sa ɦidina: Sesay, Ahinam hiɗi Talmay, sa hay jafna vi Anak.

¹⁵ Ɗawni nisi kalay dur sum sa hay Debir. Debir ya' jew ala Kiryat-Sefer.

¹⁶ Kaleb di'e: sa ma kolawa kay Kiryat-Sefer, sa ma sli nagata valamawana, nan ma vulum goota van Aksa kuɗum ca'a.

¹⁷ Ki kayn nala Otniyel goora vi Kenaz, ɓasum Kalebna, nam sli nagata. Nala Kaleb vulum goota valam Aksa kuɗum ca'a.

¹⁸ Hay li ma na' co hay ziyna vi Otniyel, na' zutumu kay nam ma job sine tam bu'a. Na' piray gaa kay kurona va'a. Kaleb da'a: Mayɗin mige?

¹⁹ Na' hot dita: Naŋ lan slugo'o, kay naŋ musan hay nagata gal kayamta ni; naŋ vulan kaar ma niyn lay. Nam vula' kaar ma ŋulona hiɗi ma gurayn lay.

²⁰ Kayni ti vocota vi jafna vi gurona vi Yuda, kuɗ vuɗna visiya visiya.

²¹ Hoyok-ziyna ma goy sin nagata vi gurona vi Yuda, hay jaara vi Edom hay Negeb, nam kayni: Kabseel, Eder, Yagur;

²² Kina, Dimona, Adada;

²³ Kedes, Hatsor, Itan;

²⁴ Zif, Telem, Beyalot;

²⁵ Hatsor-Hadada, Keriyot-Hesron, ta ya' Hatsor;

²⁶ Amam, Sema, Molada;

²⁷ Hatsar-Gadda, Hesmon, Bet-Palet;

²⁸ Hatsar-Suwal, Beer-Seba, Biziotiya,

²⁹ Baala; Iyim, Atsem;

³⁰ Eltolad, Kesil, Horma;

³¹ Siklag, Madmanna, Sansana;

³² Lebawot, Silhim, Ayin hiɗi Rimmon. Hoyok-ziy ŋulon kaf dok-ma' yam zleeŋe, hiɗi hoyok-ziy guray ma kuɗumna.

³³ Hay fulda: Estahol, Soreya, Asna;

³⁴ Zanowa, En-Ganim, Tappuwa, Enam;

³⁵ Yarmut, Adullam, Soko, Azeka;

³⁶ Sarayim, Aditayim, Gedera hiɗi Gederotayim; hoyok-ziy ma ŋulon doogo yam fiɗi hiɗi hoyok-ziy ma gurayna.

³⁷ Senan, Hadasa, Migdal-Gad;

³⁸ Dileyan, Mispe, Yokteel;

³⁹ Lakis, Boskat, Eglon;

⁴⁰ Kabon, Lamas, Kitlik;

⁴¹ Gederot, Bet-Dagon, Naama hiɗi Makkeda; hoyok-ziy ma ŋulon doogo yam karkiya, hiɗi hoyok-ziy ma gurayna.

⁴² Libna, Eter, Asan;

⁴³ Yifta, Asna, Netsib;

⁴⁴ Keyla, Akzib hiɗi Maresa; hoyok-ziy ŋulon zleeŋe hiɗi ma kuɗumna.

⁴⁵ Ekron, hoyok-ziy ma kuɗa'na;

⁴⁶ fokay hay Ekron pa hiɗi gal ma vulatina, hoyok-ziy ma goboy hiɗi Asdod, hiɗi hoyok-ziy guray ma kuɗa'na;

⁴⁷ Asdod hiɗi hoyok-ziy ma juni kuɗumna; Gaza hiɗi hoyok-ziy ma juni kuɗa'na, ta-ta tam niy-ma-riŋŋa vi Egipte, tam niy-lum ma ŋolla hiɗi deŋella valamu.

⁴⁸ Kulo kay hiɗiyna: Samir, Yattir, Soko;

⁴⁹ Danna, Kiryat-Sanna, ta ya' Debir.

⁵⁰ Anab, Estemu, Anim;

⁵¹ Gosen, Holon hiɗi Gilo, hoyok-ziy ma ŋulon doogo yam kep, hiɗi hoyok-ziy guray ma kuɗumna;

⁵² Arab, Duma, Ekeyan;

⁵³ Yanum, Bet-Tappuwa, Afeka;

⁵⁴ Humeta, Kiryat-Arba, ta ya' Hebron hiɗi Sihor; hoyok-ziy ma ŋulon zleeŋe hiɗi hoyok-ziy ma gurayna.

⁵⁵ Mawon, Karmel, Zif, Yutta;

⁵⁶ Yisreel, Yokdeyam, Zanowa,

⁵⁷ Kayin, Gibeya hiɗi Timna, hoyok-ziy ma ŋulon doogo hiɗi hoyok-ziy ma gurayna.

⁵⁸ Halhul, Bet-Sur, Gedor;

⁵⁹ Maarat, Bet-Anot hiɗi Eltekon, hoyok-ziy ŋulon karkiya hiɗi ma gurayna.

⁶⁰ Kiryat-Baal ta ya' Kiryat-Yeyarim, hiɗi Rabba, hoyok-ziy ma' hiɗi ma gurayna valamu.

⁶¹ Hay fulda: Bet-Araba, Middin, Sekaka;

⁶² Nibsan hiɗi Ir-Hamela, hiɗi Eyin-Gedi; hoyok-ziy ma ŋulon karkiya, hiɗi hoyok-ziy ma gurayn kaw.

⁶³ Sum sa Yebusiyena sa ka li ziy hay Yerusalemna, gurona vi Yuda may digiɗsi goyɗi, sum sa Yebusiyena ka laki ziy jar gurona vi Yuda hay Yerusalem ta-ta vaydi.