NULLA 98 - BIBALDA TA PELDETTA

1 Nulla

¹ Nulla Gigi nul ma wuliya tam Ma-Vatɗina. Kay nam li sle ma ŋulo ŋulonawa. Nam suɗ sana hiɗi ɓalam ta jufta hiɗi bigiyamu ma peldetna.

² Ma-Vatɗina ɗek su'da valamawa goyo, ɗigerta valamu nam ɗeka'awa goy haraŋi kir jaf-sumuna.

³ Humam gumawa kay slugota valamu hiɗi ɗigerta valamu tam jafna vi Israyel. Vun dabaŋ-gu'ta vi nagata pet wi su'da vi Lawna vayawa.

⁴ Siwelgi hiɗi firita vok Ma-Vatɗina, nigi sum sa hay nagata kaf, Ɗekgi firita vigi goyo, gigi nulu.

⁵ Gigi nul tam Ma-Vatɗina hiɗi dilla; hiɗi dilla gigi nul tam Ma-Vatɗina.

⁶ Hiɗi togolomna hiɗi della vi difna, patgi ciriyn kulo'o vok mulla, Ma-Vatɗina.

⁷ Hin niy-lum ma ŋolla zam ŋolo hiɗi sle ma hayamna pet, hin nagata hiɗi sle ma haya'na pat ciriyna.

⁸ Hin niy-lumna ci ɓalamu, hin hiɗiyna pet siwel hiɗi firita,

⁹ Vok Ma-Vatɗina! Kay nam ka co'o kay ka kitata kay nagata; nam min ka kitata kay nagata hiɗi ɗigerta, nam min ka kitat kay sumun hiɗi kitata ɗigerta kaw.