NULLA 93 - BIBALDA TA PELDETTA

¹ Ma-Vatɗina namu mi mulla, nam cuki hiɗi gajijita, nam cuki hiɗi donota, furam juni hiɗi donota, nagata kaw coli dono'o, na' fi ge'ɗi.

² Zlamda-mulda vaŋu ay coli dono'o hay liy ma vatɗina pa, naŋ ka'a hay vatɗita pa.

³ Ma-Vatɗina, niy-lumna fokay kulo'o, niy-lumna sli delem kulo'o, niy-lumna ka zama.

⁴ Ŋolda vi Ma-Vatɗina hay liyn ma kulona ka suw della vi niyn ŋolla, bil ŋulona ma gi kufna, niy-lumna ma donona.

⁵ Di-goyta vaŋ kaf na' gasiya, peldetta nagay kay ziyna vaŋu naŋ Ma-Vatɗina. Ta-ta hay vatɗita.