NULLA 87 - BIBALDA TA PELDETTA1 Nulla vi gurona vi Kore. 1 Nulla vi gurona vi Kore. Nam tun hoyok-ziyn gaa'a kay hiɗiy ma peldetna. 2 Ma-Vatɗina min vun-galana vi Siyon suw liyn ma musta vi Yakub kafe. 3 Nisi di sle ma gajijita kaŋu, naŋ hoyok-ziyna vi Lawna. Gi-suk. 4 Nan yi sem Egipte hiɗi Babilon jar nisi sa wanu; nagata vi Filistin tani, Tirus hiɗi Etiopiya tani kaw: Nisi vuɗi goy hay Siyon pa. 5 Dit diya kay Siyon ala: Nisi kaf vuɗi goy ɗawni, mi nam ma Kulo-Jamna ma vulsi donota. 6 Ma-Vatɗina min ŋaɓsiya hay li ma nam ɗosi sesi gaa'a, kayni mi liyn ma nisi vuɗi haya. Gi-suk. 7 Nisi sa gi nulla hiɗi nisi sa pir tiɗiŋŋa kaw siwel ala: Niyn ma riŋŋa vuma kaf may goy hay naŋ pa. |
BIBALDA TA PELDETTA © L'Alliance Biblique du Cameroun, 2001
Bible Society of Cameroon