NULLA 81 - BIBALDA TA PELDETTA

1 Tam ma ŋolla vi sa gi nulla. Hiɗi gititna . Nulla vi Asaf.

¹ Tam ma ŋolla vi sa gi nulla. Hiɗi gititna. Nulla vi Asaf.

² Gigi nul hiɗi delgi kulo'o tam Lawna donota vaya, siwelgi hiɗi firita tam Lawna vi Yakub.

³ Sligi nulla, margi darayna, dil ma delem jifiy ŋolo hiɗi dil ma ŋolla kaw.

⁴ Buwgi togolomna hay til ma wulina, hay til ma zumalina, hay buura vi yuldeta vaya.

⁵ Kay kayni ti gatta kay Israyel, dita-gatta vi Lawna vi Yakub.

⁶ Nam tun di-goyta hay Yosef, hay li ma nam kalay kay dur Egipte. Hay na'ta nan hum della ma nan wum jewɗi.

⁷ Nan yaw jak ma pelemna goyo, ɓalam yaway goy tam jak ma nekŋa kaw.

⁸ Naŋ siwel tanu hay li ma naŋ ka vun lasta, nan butaŋawa goyo; nan humaŋawa goy bugol niy ma bayna, nan wakaŋawa goboy hiɗi niyna vi Meriba. Gi-suk

⁹ Humgiya, nigi sumuna vanu, nan min di goy tigiya. Nigi sa Israyella, nigi as human su?

¹⁰ Hin lawayn ma pulla jargiɗi, nigi ma girif gaa vok lawayn ma pullaɗi.

¹¹ Nanu mi Ma-Vatɗina Lawna vigiya, ma kalgiyay goy hay nagata vi Egipte pana. Malgi vungi goy mal, nan min hobomu.

¹² May sumuna vanu min human delan noŋɗi, sa Israyella min hum kuɗanɗi kaw.

¹³ Nala nan hinsi tuɗ kuɗ so'otta vi diksiya, kay nisi poy kuɗ gatta ta joota visiya.

¹⁴ Hih! Lali sumuna vanu humanu klasige, lali sum sa Israyella poy hay hagata vanu klasige.

¹⁵ Ir liyn neeɗa ɦawa nan muɗ sa gawt kisin zulo'o, nan ma muɗ diran kay sa gawt kisina.

¹⁶ Nisi sa gaw tam Ma-Vatɗina, ma ham vokomu hiɗi vunsiya, may ŋaata vi Israyel ma mus ta-ta.

¹⁷ Nan ma vulsi alkamare ŋaana a ti'e, nan ma hobsi hiɗi yumda ta hay zler-hiɗiyna.