NULLA 8 - BIBALDA TA PELDETTA

¹ Tam ma ŋolla vi sa gi nulla. Nulla vi David.

² Ma-Vatɗina, naŋ Bum-Sumuna vuma'a, semda vaŋu tiy ŋolo gaa kay nagata kafe, naŋ kot gajijita vaŋu kulo'o hay dukalawna.

³ Goy hay vun gurosgurayna hiɗi guro sa ci miir dig sumaysiya pa, naŋ tun sem gaŋeraŋa vaŋ gaa'a, kay muɗ sa gawt kaŋŋa zulo'o, kay ziŋ vun sa gawt kaŋŋa hiɗi sa min hot joota kaw.

⁴ Hay li ma nan ɗuw dukalawna, lopna vi ɓaŋu, tilla hiɗi mislekŋa ma naŋ kotomna,

⁵ Sana kayn mi mige, a naŋ jak humaŋ kalamu? Goora vi sana kaw mi mige a naŋ var kalamu?

⁶ Naŋ kotom kayni, hini ne' ɦawa a nam ŋra hiɗi Lawna, naŋ tun bogoray ma gajijita hiɗi suburta kalamu.

⁷ Naŋ vulum gaŋeraŋa kay lopna vi ɓaŋ kaf, naŋ cuk slen kaf gaa kuɗ wur-selemu.

⁸ Fok-dimina hiɗi luway-jufayn kaf, Awa, muur ma fulla kaw.

⁹ Layayn ma dukalawna hiɗi kuluf ma hay niy-ŋolla kaf, slen ma poy jar niy-lumna kafe.

¹⁰ Ma-Vatɗina Bum-Sumuna vuma'a, semda vaŋu tiy ŋolo gaa kay nagata natige.