NULLA 67 - BIBALDA TA PELDETTA1 Tam ma ŋolla vi sa gi nulla. Hiɗi dil ma zigewn kuɗumna. Nulla. 2 Hin Lawna luma slugota, gi bol kuma'a kaw, hin vokomu li haraŋ kuma'a. Gi-suk. 3 Kay a nisi ma wi hagata vaŋu gaa kay nagata; kay nisi ma wi su'da vaŋu jar jaf-sumuna kafe. 4 Sumun kaf suburaŋu, naŋ Lawna, sumun kaf suburaŋu. 5 Jaf-sumun li firiya, siwel hiɗi firita kaw. Kay naŋ ka kitat kay sumun hiɗi ɗigerta, jaf-sumuna kay nagata naŋ ŋomsi hiɗi ɓaŋu. Gi-suk. 6 Sumun kaf suburaŋu, naŋ Lawna, sumun kaf suburaŋu. 7 Nagata li jafnawa, Lawna! Lawna vaya min gi bol kaya. 8 Lawna min gi bol kaya, vun-dabaŋgu'ta vi nagat kaf ma li nar kuɗumu. |
BIBALDA TA PELDETTA © L'Alliance Biblique du Cameroun, 2001
Bible Society of Cameroon