NULLA 63 - BIBALDA TA PELDETTA

¹ Nulla vi David. Hay li ma nam ay hay fulda vi Yuda.

² Naŋ Lawna, naŋu mi Lawna vanu, nan garaŋu, laat ka lanu kaŋu, sukan ka sa'at kuɗaŋu, hay nagata ta goy soyta, hay liyn ma haŋarina, liyn ma niyn mayɗi.

³ Nala nan saraŋu hay liyn ma peldetna, nan wi gaŋeraŋa vaŋu hiɗi gajijita vaŋu.

⁴ Kay ŋaata vaŋu suw musta irita, nala vunanu ma suburaŋu.

⁵ Nala nan min gaŋ deɓ ta-ta hay irita vanu. Hay semda vaŋu nan min yaw ɓan kulo'o.

⁶ Ciwta vanu ma hoba, ki tin ma golɓotna hiɗi jibetna nala, vunanu ma suburaŋu hiɗi nul ma firita.

⁷ Hay li ma nan bur gaa'a, human gan kaŋu, nan var kaŋu hay senda van kafe.

⁸ Kay naŋ gutawa kuɗanu, hay ŋus-gilaŋataŋu nan min li firiya.

⁹ Ciwta vanu tap kuɗaŋu, ɓaŋ ma jufna van kulo'o.

¹⁰ May nisi sa gar irita vanu, nisi ma kal gaa hay liyn ma zulla vi nagata.

¹¹ Nisi ma vulis goy mi gaŋeraŋa vi kew-gaferaŋa, Cekemna ma vurumsiya.

¹² May mulla min firiya hay Lawna. Gigekaw ma yi sem Lawna kalamu, nam ma firiya, kay sa sinda vunsi ma duka.