NULLA 60 - BIBALDA TA PELDETTA

¹ Tam ma ŋolla vi sa gi nulla. Hiɗi tayna vi di-goyta. Nulla vi David.

² Hay li ma nam li duura hiɗi sum sa Siriyana hay Mesopotamiya hiɗi sum sa Siriyana hay Soba, hay hotta vi Yowab, hay li ma nam ci sa Edomna ay birim doogo yam ma' hay lokŋa vi mandana.

³ Hih! Lawna, naŋ zutmaawa goyo, naŋ mermaawa goyo, naŋ muɗawa ɦiya. Hot yawma kulo'o yawge.

⁴ Naŋ wir nagatawa, naŋ muna'awa goyo, Tosaŋ kirnana ma kira'na, kay na' ka geɗa.

⁵ Naŋ li wakka ta ɗeŋgawa kir sumuna vaŋu, naŋ vulma vinnawa a ci'e kay tiwinma goyo.

⁶ Naŋ vul drapotawa tam nisi sa li nar kuɗaŋu, kay na'a ma cola ɗek goy kay gasita. Gi-suk.

⁷ Kay nisi sa hayaŋ tiy kisina ma fi su'da, suɗ hiɗi ɓaŋ ma jufna, hum siɗawta vuma'a humge.

⁸ Lawna di hay peldetta valam ala: nan ma kola, nan ma ɓuraw Sikem goyo, nan ma li ŋaɓta vi lokŋa vi Sukkot goyo;

⁹ Galaad vanu, Manase vanu, Efrayim kayni mi gulmun ma duura ma kulo kanna, Yuda ti zugulda-mulda vanu.

¹⁰ Mowab kayni ti tasata ta nan muz haya'ta; nan gi tuguruna van goy kay Edom; nagata vi Filistina, siwelag kanu hiɗi firita.

¹¹ Sa ma naran kalaf hay hoyok-ziy ma donon ɗawn mi gige? Ma naran tam Edom ɗawn gige?

¹² Kayni mi naŋɗi su? Mi naŋ Lawna ma hinmaawa, ma min tuɗ goy hiɗi numa'a vun duurɗin ɗisu?

¹³ Gut kuɗma'a kay sa gawt kuma'na, kay gutda vi san kayni mi va waa'a ɦawa.

¹⁴ hiɗi Lawna nay ma li sle ma ŋulona, kay nam min tay gaa'a sa gawt kayna.