NULLA 47 - BIBALDA TA PELDETTA

¹ Tam ma ŋolla vi sa gi nulla. Nulla vi gurona vi Kore.

² Cigi ɓigiya, nigi sumun kaf, firigi vok Lawna hiɗi siwelda firita.

³ Kay Ma-Vatɗina ma ŋol ma kulona narta ka kuɗum ŋolo, nam mi ma ŋolla kay nagat pete.

⁴ Nam cuk sumun gaa kuɗaya, nam cuk sumun gaa kuɗ seya.

⁵ Nam vilek vocotawa kaya, gajijita vi Yakub ma nam minimna. Gi-suk.

⁶ Lawna ka kal kulo'o jar ciriyna vi kolda, Ma-Vatɗina ka tuɗ vokomu hiɗi della vi togolomna.

⁷ Gigi nul ma suburta tam Lawna, gigi nulla. Gigi nul ma suburta tam Mulla vaya, gigi nul ma suburta.

⁸ Kay Lawna mi mulla vi nagat pet. Gigi nul ma vul yalla.

⁹ Lawna mi mulla kay jaf-sumuna kafe. Lawna musi kay zlamda-mulda ta peldetta valamu.

¹⁰ Muliyana vi jaf-sumuna tok tuwsi tam sumuna vi Lawna vi Abraham, kay kuroŋŋa vi nagata kayni vi Lawna, Namu mi ma ŋol ma kulona.