NULLA 43 - BIBALDA TA PELDETTA1 Kaaŋ kitata van hay hagata va'a naŋ Lawna, gutaŋ kanu vok jaf-sum sa bay-ɗigera. Suɗan goyo kay jaf-sum sa ɗutna hiɗi sa jiw-zlata. 2 Kay naŋu mi Lawn ma ŋomanna, naŋ as noyan goyo kay mige? Nan ma poy hay sligara ma yorta kuɗ gaŋeraŋa vi sa gawt kanna kay mige? 3 Gi haraŋa vaŋu hiɗi ɗigerta vaŋiya, hinim ɗigeranu, hinim naran tam hiɗiyta vaŋ ta peldetta, tam ziyna vaŋ ma musta kaw. 4 Kay nan min tuɗ tam giwin-ma-ɗifinna vi Lawna, namu mi firita van ta ŋolda. Nan ma suburaŋu hiɗi del dilla, Lawna, Lawna vanu. 5 Ciwta vanu, sutiyag toy hayan kalafi kay mige? Cubag Lawna hiɗi sle'ta, kay nan ma gi nul ma gi-deɓta talamu lo. Namu mi su'da vanu hiɗi Lawna vanu. |
BIBALDA TA PELDETTA © L'Alliance Biblique du Cameroun, 2001
Bible Society of Cameroon