NULLA 4 - BIBALDA TA PELDETTA

¹ Tam ma ŋolla vi sa gi nulla, hiɗi gu ma zigewn cuki talamna. Nulla vi David.

² Lawna ma ɗigerta vanu, hay li ma nan ka siwela, naŋ hot diti tan hotge. Hay li ma nan ka vun zlata, suɗan goy suɗge. Lan slugot lige, hum siɗawta vanu kaw.

³ Nigi gurona vi sumuna, gajijita vanu ma fi ŋulda ki kayn nala ta-ta lancitige? Nigi ma min sle ma waana ki kayn nala ta-ta lancitige? Nigi gara' ti sinda su? Gi-suk

⁴ May wigi goy ala Ma-Vatɗina vilekawa goy talamu sa ma vi kuɗumna, hay li ma nan siwel tam Ma-Vatɗina, nam humanu.

⁵ Tuwgi wirgiya, ligi sulukɗi, vargi hay dikgiya hay li ma nigi ka buri gaa'a, lakgi ŋal kiliŋ. Gi-suk.

⁶ Ligi ɗifinna ma ɗigera, vulgi tuwgi mi Ma-Vatɗina.

⁷ Sumun ŋolo ka di'e: Sa ma tuɗma kay wi ŋaata-ŋolda ɗawn mi gige? Naŋ Ma-Vatɗina, hin vokaŋu fo haraŋa goy kuma'a foge.

⁸ Naŋ vul firitawa hay dikanu, suw firita visiya, hay li ma nisi ka hiɗi alkamarena hiɗi vin ma jibetna.

⁹ Nan bur gaa'a, nan kal sene hay sle'ta, kay naŋ Ma-Vatɗin kep mi ma vulan sle'ta hay ziyna vanu.