NULLA 3 - BIBALDA TA PELDETTA

¹ Nulla vi David, hay li ma nam pir goyo kay goora valamu Absalom.

² Hih! Ma-Vatɗina; sa ka gawt kanna ka ŋolo natige. Sumun ŋolo ka yaw kulo kanu natige.

³ Sumun ŋolo di kan ala: Su'da may kalam vok Lawnɗi. Gi-suk.

⁴ May naŋu, Ma-Vatɗina, naŋ mi kuroŋŋa vanu, ma ŋuy tuwanu, naŋu mi gajijita vanu, naŋ slan yan kulo'o kaw.

⁵ Nan siwel hiɗi delan kulo'o tam Ma-Vatɗina, nam hot diti tanu goy hay hiɗiyta valam ta peldetta pa. Gi-suk.

⁶ Nan bur gaa'a, cap kal sene, nan zliy kulo'o kaw, kay Ma-Vatɗina mi ma gutda vanu.

⁷ Sum sa kis gu' gu' sa ŋuyi galan kay garanu nan may li nar kisiɗi.

⁸ Fokaŋ kulo'o, Ma-Vatɗina, suɗan goyo, naŋ Lawna vanu, kay sa gaw-kanna naŋ cisiyawa gelaysiya, sa jiw-zlatna naŋ kussi siysiyawa goyo.

⁹ Su'da kayni vi Ma-Vatɗina, hin bolda vaŋu mus kay sumuna vaŋ musge Gi-suk.