NULLA 20 - BIBALDA TA PELDETTA1 Tam ŋolla vi sa gi nulla. Nulla vi David. 2 Hin Ma-Vatɗina hum siɗawta vaŋu hay buur ma zumalda, hin semda vi Lawna vi Yakub suɗaŋu. 3 Nam gi gutda ay taŋu goy hay liyn ma peldetna pa, nam vaŋ kulo'o hay Siyon. 4 Humam ma gum kay ɗifinna vaŋ kafe gi' ge. Ɗifin ma ŋal-goyna vaŋu nam ma vum vi kaw. Gi-suk. 5 Hinim vulaŋ va ma darta vi dikaŋ minimna. hinim hob vun varta vi dikaŋu kaw. 6 Numa'a min li firi ŋolo hay su'da vaŋu, numa ma gaɓ drapota kulo'o hay semda vi Lawna; Ma-Vatɗina ma vulaŋ sle ma naŋ siɗawamna kafe. 7 Wulini nan wi ala fanna ma mul ɦoki kamna Ma-Vatɗin suɗumu. Nam min hot diti talamu goy hay wuralawn ma peldetna valam pa, hiɗi gutda vi ɓalam ta jufta ta donota. 8 Sum segena zamam mi ɓam kekena, segena lo kulumayna. May numa yum vunma mi sem Ma-Vatɗina Lawna vuma'a. 9 Nisi her gaa'a, cap puk gaa'a, may numa hayɗin lakay kulo ɗeŋ hiliŋ'. 10 Ma-Vatɗina, suɗma suɗge. Hin mulla hum siɗawta vuma'a hay li ma numa siwela. |
BIBALDA TA PELDETTA © L'Alliance Biblique du Cameroun, 2001
Bible Society of Cameroon