NULLA 15 - BIBALDA TA PELDETTA

1 Nulla vi David,

¹ Nulla vi David, Ma-Vatɗina, sa ma fi mus hay guɗukŋa vaŋ ɗawn mi gige? Sa ma fi mus kay hiɗiyta vaŋ ta peldetta ɗawn gige?

² Kayni sa ma poy ɗigere, li ɗigerta kaw, sa ma di gasita.

³ Sa ma yaw dira hiɗi vunamɗi, li joot tam banamɗi, mar zulo kay sugolomɗi kaw.

⁴ Sa ma ɗuw sa ma joona birek-ceke, may sum sa li nar kuɗ Lawna nam slisi yisi kulo'o, sa ma yi va kalamu kuɗ gasita, la nam ba va hay kaw, nam muɗ dita valamɗi.

⁵ sa ma vul gurjuta valamu bali kay niya'ɗi, sa ma gus kitata kay sa ma bay-jootɗi. Sa ma li ki kayn nala, nam ma ge'ɗi ta-ta hay vatɗita.