NULLA 149 - BIBALDA TA PELDETTA

¹ Suburgi Ma-Vatɗina, gigi nul ma wuliya tam Ma-Vatɗina, Suburumu hay tapna vi sa peldetna.

² Hin sa Israyella firiya hay nam ma kotsina, hin gurosgurayna vi Siyon li firiya kay mulla visiya.

³ Hinsi subur semda valamu hay pirta-tiɗiŋŋa, hinsi gi nul ma suburta talamu hiɗi darayna hiɗi dil ŋolla kaw.

⁴ Kay Ma-Vatɗina min sumuna valamu, nam vul gajijita mi sa ziy-zlata hay li ma nam suɗsiya.

⁵ Hin sa peldetna li firiya hay gajijita, hinsi gi nul ma kolda hay liyn ma buura visiya.

⁶ Nul ma suburta vi Lawna ka hay vunsiya, kew-gaferaŋa ka hay ɓisiya kaw.

⁷ Kay wurak jaf-sumuna kay joota visiya, kay gat vun sumuna,

⁸ kay jun muliyana visiya hiɗi jaɓna, kay jun sa ŋulona visiya hiɗi geɗegena kaw.

⁹ Kay hob vun kitata ta ɗoy kisiya. Kayni ti gajijita vi sa peldetna kaf. Suburgi Ma-Vatɗina.