NULLA 137 - BIBALDA TA PELDETTA

¹ Kel niy-lumna Babilon ɗawni numa lakay gaa'a, numa ka tiya hay li ma humma guma kay Siyon.

² Kat gu-ganaŋŋa ɗawni numa'a gaɓ dilla vuma kulo'o,

³ ɗawni sa ŋom daŋgayna jobma'a kay gi nulla, sa lasma'na jobma kay (numa) li firiya, (Nisi di'e:) Gigi nulla vi Siyon kep tige.

⁴ Numa fi gi nulla vi Ma-Vatɗina hay nagata pulta nanige?

⁵ La yan jokagu Yerusalem, yan as jok ɓan ta jufna kaw.

⁶ Hin sinan zlubak kulo kuɗ narɗakanu, la human gan kay Yerusalemɗi, la Yerusalem may ti firita van ta ŋoldaɗi.

⁷ Ma-Vatɗina, humaŋ ma gaŋ kay gurona vi Edom: Sa, hay fatta (vi lasta) vi Yerusalem, nisi di'e: ɦo' gaa'a, ɦo' gaa'a, ta-ta tam se' ma tuni gaana!

⁸ Nak goota vi Babilon, nak ta ɓulakay goyta, sle'ta ka kay sa ma wurakag hiɗi joota ta nak lumdita.

⁹ Sle'ta ka kay sa ma yaw gurona vagu, kirapsi gaa kuɗ hiɗiyna.