NULLA 125 - BIBALDA TA PELDETTA

1 Nul ma rogoyta.

¹ Nul ma rogoyta. Nisi sa zam ɓam Ma-Vatɗina, nisi ka ki hiɗiyta Siyon nala, na' may ge'ɗi, na' coli ɗeŋe ta-ta hay vatɗita.

² Hiɗiyna ka ŋuyi kat Yerusalem, ki kayni nala Ma-Vatɗina ka ŋom sumuna valamu, wulini pa ta-ta hay vatɗita.

³ Kay zugulda-mulda vi joota ma mus hay nagata vi sa ɗigeraɗi, kay sa ɗigera ma meɗ ɓisi goy kat jiw-zlatɗi.

⁴ Ma-Vatɗina laŋ ŋaata tam sa ŋaana lige, laŋ ŋaata tisi nisi sa diksi ɗigera.

⁵ May kay nisi sa raw goyo tam hagata visi ta gunita, Ma-Vatɗina min hinsi tuɗ goyo hiɗi nisi sa li bay-ɗigerta. Sle'ta mus kay Israyel musge!