NULLA 124 - BIBALDA TA PELDETTA

1 Nul ma rogoyta, vi David.

¹ Nul ma rogoyta, vi David. Lali Ma-Vatɗina ay hiɗi nayɗi, sa Israyel di nala!

² Lali Ma-Vatɗina ay hiɗi nayɗi, hay li ma sumun yaw kulo kay kayni,

³ nisi goboy ligay goy iriya, hay li ma nisi muɗ ɦiy ŋolo kataya.

⁴ Hay na'ta niyna goboy a ɗubay gaa'a, niy-ɓatna goboy sulur kay ciwta vaya.

⁵ Hay na'ta niy ma gi peslna goboy sulur kay ciwta vaya.

⁶ Gi deɓ mi Ma-Vatɗina ma min vulay goy vunsi a nisi ma mutayɗi.

⁷ Ciwta vaya huloti goyo ki layta vun jawta nala; jawta jay goyo, nay huloti goyo may.

⁸ Gutda vaya ka hay sem Ma-Vatɗina, ma li wuralawna hiɗi nagata kaw.