NULLA 123 - BIBALDA TA PELDETTA

1 Nul ma rogoyta.

¹ Nul ma rogoyta. Taŋ naŋu nan muɗ iran kulo'o, naŋu ma mus hay wuralawna.

² Ki ir sa ma sunda ka cuki kuɗ mulamna nala, ki ir goota-sunda ka cuki kuɗ mula'ta nala, nay kaw iray ka cuki kuɗ Ma-Vatɗina Lawna vaya, ki kayni nala ta-ta nam lay slugota.

³ Luma slugota, Ma-Vatɗina luma slugota, kay numa hobawa ŋolo hiɗi panta visiya.

⁴ Ciwta vuma hobawa ŋolo hiɗi burahta vi sa subur tuwsina, hiɗi panta vi sa sli yisi kulona.