NULLA 121 - BIBALDA TA PELDETTA

1 Nul ma rogoyta.

¹ Nul ma rogoyta. Nan poŋ iran kulo'o kat hiɗiyna, gutda vanu may arige pa?

² Gutda vanu may vi Ma-Vatɗina ma li wuralawna hiɗi nagata pa.

³ Nam min hinaŋ seŋu geɗ goy noŋɗi, nam ma ŋomaŋŋa ma kal sen noŋɗi.

⁴ Ɗuwgiya, nam ma ŋom Israyel iram muɗ nekɗi, nam kal senɗi kaw.

⁵ Ma-Vatɗina mi ŋomda vaŋu, Ma-Vatɗina mi ŋus ma kaŋŋa hay gal ɓaŋ ma jufna.

⁶ Fatta ma waraŋ hay falaytɗi, tilla ma waraŋ hay henjetɗi kaw.

⁷ Ma-Vatɗina min ŋomaŋu kay joota pet, nam min ŋom ciwta vaŋu.

⁸ Ma-Vatɗina min ŋom kal-goyta vaŋu hiɗi cota vaŋu, wulini pa ta-ta hay vatɗita.