NULLA 120 - BIBALDA TA PELDETTA

1 Nul ma rogoyta

¹ Nul ma rogoyta nan siwel tam Ma-Vatɗina hay hawta vanu, nam humanu kaw.

² Ma-Vatɗina, butan ciwta van goyo hay ɓam sa ka sinda, butan goyo hay ɓam sa ɗutna.

³ Nan vulaŋgin mige? Vun ma ɗutta as vulaŋgin mige?

⁴ Ɓaraw ma jarfayna vi sa duura hiɗi veŋ ma kuta vi gu-zigiyna.

⁵ Joot kanu a nan mus pulu jar Mesek, a nan mus jar guɗukŋa vi Kedar.

⁶ Liyn kalay ŋolo suw asa nan ay musi hiɗi nisi sa ka gawt tam sle'ta.

⁷ Nan mina' ti sle'ta, may hay li ma nan di va'a, nisi min duura.