NULLA 114 - BIBALDA TA PELDETTA

¹ Hay li ma sa Israyella kalay goy hay Egipte pa, hay li ma ziyna vi Yakub kalay goy hay nagata vi sum sa di vun ma pulla pa,

² Yuda muɗi liyn ma peldetna valamu, Israyel ti mulda valamu.

³ Niy-ŋolla wumu piriya kaw, niy-lumna Yordan hot bugolomu;

⁴ Hiɗiyna ɦal kulo'o ki fok-gamalana nala, Jiŋiliŋŋa pir kulo'o ki guro fok-dimina nala.

⁵ Niy-lum ma ŋolla, mige li taŋu kay naŋ pira? Naŋ Yordan kaw hot bugolaŋu kay mige?

⁶ A hiɗiyna ɦal kulo'o ki fok-gamalan nala, a jiŋiliŋŋa pir kulo'o ki guro fok-dimina nala?

⁷ Wiragu vok Bum-Sumuna, nak nagata! Wiragu vok ir Lawna vi Yakub.

⁸ Namu ma muɗ hiɗiyn goy goloŋo, muɗ hiɗiy ma deŋŋa goy niy-ma-riŋŋa kaw.