NULLA 113 - BIBALDA TA PELDETTA1 Suburgi Ma-Vatɗina. Sa sunda vi Ma-Vatɗina, suburumu. Suburgi sem Ma-Vatɗina. 2 Bolda ka kay semda vi Ma-Vatɗina, wulini pa ta-ta hay vatɗita. 3 Hay dayta vi fatta pa ta-ta na' ɗik gaa'a, hin sem Ma-Vatɗina fi suburta. 4 Ma-Vatɗina ka kulo'o gine'e kay jaf-sumun kaf, gajijita valamu ka kulo'o kay wuralawna. 5 Sa ma ŋray hiɗi Ma-Vatɗina Lawna vaya mi gige? Ziyna valamu ka kulo'o; 6 nam muɗ iramay gaa'a kay ɗuw dukalawna, kay ɗuw nagata kaw. 7 Goy hay buɗufn pa nam sli sa ma hawn goyo, goy hay zigidikŋ pa nam sli sa ma maŋayn kulo'o. 8 Kay nam ma musum jar sa ŋulona, jar sa ŋulona vi sumuna valamu. 9 Nam hin cata getayta mus firi vo hay ziyna va'a, hiɗi gurona va'a. Suburgi Ma-Vatɗina. |
BIBALDA TA PELDETTA © L'Alliance Biblique du Cameroun, 2001
Bible Society of Cameroon