NULLA 110 - BIBALDA TA PELDETTA

1 Nulla vi David

¹ Nulla vi David Ma-Vatɗina di tam Bum-Sumuna vanu: Musaŋ gaa'a hay gal ɓan ma jufna, ta-ta nan muɗ sa gawt kaŋŋa goy va ma naŋ tun wur-seŋ kalamna.

² Ma-Vatɗina min meɗ zugulda-mulda vi gaŋeraŋa vaŋay goy hay Siyon pa. Musaŋ mulla jar sa gawt-kaŋŋa.

³ Sumuna vaŋu min tok taŋu kuɗ minda visiya, hay li ma naŋ tok sojena vaŋu; hiɗi ganna ma peldetna, joriyota vaŋu co'o ki maɗayna ma graw culumta nala.

⁴ Ma-Vatɗina yi va kalamu, nam min hamam noŋɗi kaw: ala, naŋu mi mul-ma-ɗifinna kay dok-doko, ŋray ca hiɗi Melkisedek.

⁵ Bum-Sumuna ka hay gal ɓaŋ ma jufna, Naŋ min kirap muliyan goyo hay fatta vi ɦiyda vaŋu.

⁶ Nam ka kitata ɗigerta jar jaf-sumuna, nam hob liyna hiɗi sa mitina; nam kirap yam sumuna hay nagata kafe.

⁷ Hay hagata nam ci niyna vi lokŋa, kuɗ na'ta kayni yalam kulo tuni tiriŋ'.