NULLA 11 - BIBALDA TA PELDETTA

1 Tam ma ŋolla vi sa gi nulla. Vi David.

¹ Tam ma ŋolla vi sa gi nulla. Vi David. Nan ŋay tuwan tam Ma-Vatɗina. Nigi fi di tan ala piraŋ kulo kay hiɗiyna ki layta nala kay mige?

² Kay wulini sa jiw-zlatna yaw diŋ-diŋ ɓarawta visiyawa, tun ɓarawtawa kay diŋ-diŋŋa kay ɓe sum sa diksi ɗigera hay jufunda.

³ La sem-ziyna ɦoy gaa'a, sa ma ɗigera ma li litige?

⁴ Ma-Vatɗina ka hay Tempella valamu ma peldetna, zlamda-mulda vi Ma-Vatɗina ka hay wuralawna, iram ka ɗuwa, goŋ-iramu ka fek sum-wurana.

⁵ Ma-Vatɗina fek dik sa ma ɗigera hiɗi sa ma joona; nam ka gaw tam sa ma joona hiɗi sa ma waskayna.

⁶ Nam hin veŋ ma kuta hiɗi sufre si gaa kay sa ma joona; simeɗ ma vidikŋa, kayni mi ir kaway-ma-cina visiya.

⁷ Kay Ma-Vatɗina nam ɗigere, nam min ɗigerta; sum sa ɗigera ma wi vok-iramu.